Қоғам тазалығы – мәдениеттілік өлшемі

Сенбілік – өзіміз үшін қажет. Сондықтан қоғамдық маңызы бар іс-шарадан үлкен де, кіші де тыс қалмауы керек. Өйткені, тазалық – өмір сүру мәдениетіміздің ғана емес, күнделікті тыныс-тіршілігіміздің көрінісі. Қоршаған орта таза, жинақы болса, онда дамуымыз да, ілгері басуымыз да орнықты болмақ. Осы ретте ауданда өткен сенбіде жаппай сенбілік ұйымдастырылды.

Та­залық жоқ жерде өсу де, өркендеу де болмайды. Өйткені, тазалық алға жылжу мен жос­пар­­ларды орындаудың негізі болып табылады әрі атқарылған жұмыстардың айнасы болып есеп­теледі. Бұл ретте, ауданымызда санитарлық тазалыққа қатысты жыл сайын тазарту айлықтары жүргізіледі. Соның нәтижесінде, көше бойы күл-қоқыстан арылып, тазартылуда. Оған аудандағы мемлекеттік мекеме мен бөлім қызметкерлері белсене атсалысуда. Әрбір сенбіліктер сайын мекеме қыз­меткерлері бекітілген көше бойына тазарту жұмыстарын жүргізеді. Мұның тұрғылықты жердің тазалығын сақтап, таза ортада өмір сүруімізге сеп­­­тігін тигізуде.

Бұл жолғы сенбілік тек аудан орталығында ғана ұйымдастырылумен шектелген жоқ. Әр­бір ауылда ұйымдас­тырып, оған мекеме қызметкерлерімен қатар еріктілер және тұр­ғын­дар да белсене қатысты. Нәтижесінде жол­дардың жиегіндегі қоқыстар жиналып, шөп­тер шабылып, тырмаланды. Сондай-ақ жарық­шамдардың бағаналары мен мекеме, алаң, аллея, саябақ аумақтарындағы қоршаулар сырланды. Мұның бәрі көз сүйсініп, көңіл тоятындай көрініс сыйлап, ауданның ажарының артуы­­­на септігін тигізді.

Сенбілікте мекеме қызметкерлері мен ерікті тұрғындар жинаған шөптер мен қоқыстарды кент әкімдігіне тиесілі көліктер тиеп, қоқыс полигонына тасыды. Мұндай жұмыстар барлық ауыл­­да ұйымдастырылып, елді мекендер де ретке келтірілді. Әсіресе, шалғай орналасқан ауылдарда тазалық жұмыстары қарқынды түрде жүргізілді. Бізге жеткен мәліметке сүйенсек, сен­білік­ке 10 мың­ға жуық азамат қатысып, туған жердің гүлденуіне атсалысқан.

Сенбілік туралы сөз қоз­ғалғанда облыс, аудан бас­­шы­­ла­рының та­за­лыққа ер­­ек­ше көз­қа­рас­пен қа­рай­­тынын, әр кө­шенің та­за­­­лы­ғына жіті мән бере­тінін айтпай өту мүмкін емес. Бұл – тіп­ті Ел Үкіметінің де басты талабы. Қоршаған ортаның таза болуының, жасыл белдеу қалып­тастырудың маңыздылығын Мемлекет бас­шысы да әркез айтып, нақты тапсырмалар жүктеу­­­де. Сондықтан сенбілік жұмыс­тарының тұрақ­­ты түрде ұйымдастырылуы, жастың да, жасамыстың да қатысып, қолдау білдіруі құп­тар­лық іс. Бұл ретте сырдариялықтар да «бір жағадан бас, бір жеңнен қол шығарып» бірліктің үлгісін көрсетіп жатқанын айтып өткеніміз жөн.

Аудан аумағындағы сенбіліктер барысында балалар ойын алаңдары да жөн­делуде. Нақты­рақ айт­қанда, ойын алаң­­­дары жасыл, көк, сары түске сыр­ланып, әткен­шек­тері қайта орнатылып, демалатын орын­ның қаңыл­тыр шатырлары жаңартылуда. Бұл жұмыс балаларға қуаныш сыйлап, ата-ана­лар алғыстарын білдіруде. Осылайша сенбі­лік жұмыстарының тиімділігі өз нәтижесін беруде.

Мәдениеттілігімізді көрсететін тазалықтың адамзат баласы үшін орны ерекше. Туған жерімізді, оның ішінде қоғамдық жерлерде тазалық сақтау арқылы көпшіліктің ризашылығын алатынымызды естен шығармаған жөн. Ол үшін әрбіріміз осы тазалықтың төңірегінде жауапты екенімізді сезіну ғана жеткілікті. Сананың тазалығы арқылы айналаның тазалығына үлес қоса алатынымыз анық. «Тазалық – иманның жартысы», «Тазалық – мәдениетті­лік өл­­­­­­ше­мі» десек, айналаны­ та­за ұс­­­­тау­­ды әдетке айналдыруымыз ке­рек­­­. Сон­­­­да ғана өркениетті қоғам­ға қа­­­­рай бет түзейміз. Аудан орта­лығы мен ел­ді мекендердегі көше та­за­лығы­на жа­уапкершілікпен қарап, көркей­ту жұ­мыстарын жоғары дең­гейде жүр­гізгенде азаматтығы­мыз­ға сын бол­масы анық. Әркім есік алдын, жүрген жерін, көше бо­йын таза ұс­таса, денсаулыққа пайдасы да зор болмақ. «Тазалық – саулық негізі, саулық – байлық негізі» екені айтпаса да түсінікті. Сондықтан сыр­­дария­лықтардың туған жер таза­лығын сақтауға мән бергені жөн.

А.ҚҰРМАНАЙТЕГІ