Мәулен ӘШІМБАЕВ, ҚР Парламенті Сенатының төрағасы: Зардап шеккен отбасыларға барлық деңгейде қолдау көрсетіледі

Бүгін - елімізде Жалпыұлттық аза тұту күні. Кеншілердің қазасы тұтас халқымыздың қабырғасын қайыстырып кетті. Апат салдарынан жақындарынан айырылған отбасыларға қайғыра көңіл айтамыз және сабыр тілейміз. Зардап шеккен кеншілердің сауығып, тез арада қатарға қосылуына тілекшіміз.

Қазіргі таңда жағдай толық бақылауда. Кеше Президентіміз Қасым-Жомарт Кемелұлы Тоқаев апаттың мән-жайын анықтап, тиісті шешім қабылдау үшін Қарағанды облысына арнайы барды. Зардап шеккен отбасыларға барлық деңгейде қолдау көрсетіледі.

Тиісті тергеу жұмыстары да жүргізілуде. «АрселорМиттал Теміртау» компаниясы жақын арада мемлекет меншігіне өтеді. Бұл – еліміздің ең қымбат қазынасы – адам және оның өмірі екенін, сондай-ақ, аталған қағида барлық мүдделерден әрдайым жоғары тұратынын көрсететін маңызды қадам.

Елімізге және әр шаңыраққа амандық тілейміз. Енді мұндай қайғылы оқиғалар ешқашан қайталанбасын.

Мәулен ӘШІМБАЕВ,
ҚР Парламенті Сенатының төрағасы