Байқау жеңімпаздары марапатталды

Сырдария аудандық «Тіршілік тыны­сы» газеті тек жаңалық таратумен ға­на емес, ағартушылық жұмысты да қатар атқарып келеді. Президент сая­­­­­­са­­­тын қолдайтын, қоғамдық пікір қалыптастыратын, үлкен-кішіге ой салатын, шығармашылыққа бейім оқыр­мандарға тың серпін беретін жо­ба­ларға ау­дандық газет редакция­­сы әркез ақ­параттық қолдау көрсетуде және ұйымдастырылуына атсалысуда.

Мәселен, осы айда «Сырдария – Нұр­дария» қоғам­дық қоры аудан жастары арасында «Сыбай­лас жем­қорлық – қоғам дерті» тақы­ры­­бын­да мақалалар бай­қауын жария­лаған болатын. Байқауға келіп түскен шығармаларды бағалау мақ­са­тында құрылған комиссияның төр­ағасы ретінде ұсынылып, бұл жұ­мысты комиссия мүшелерімен бірге талдап, бағалауға үлесімді қостым.

Ко­мис­­­­­­­­­­­сия құрамында «Сырдария – Нұр­да­рия» қо­ғам­дық қорының төр­аға­сы Марат Омаровпен және аудан әкімі аппаратының мемлекеттік-құқықтық жұ­мыстар бөлімінің бас­шысы Ернар Зұлқарнаев болды. Ақыл­даса келе, аудандық байқаудың жеңім­­­пазы атанған талапкерлердің шы­ғар­ма­сын аудандық газетте жария­лауды жөн көрдік. Мақ­са­тымыз – жұрт­шылыққа сыбайлас жемқорлық қыл­мыс­тарының соңы өкінішпен аяқ­та­­латынын түсіндіру, Әділетті Қазақ­­станның негізін адал азаматтар қалыптастыратынын жеткізу.

Бүгін аудандық газеттен арнайы айдар ашылып, шығармашыл жастардың туын­дыларына орын беріліп, аудандық байқау­дың қорытындысында І, ІІ, ІІІ орын иегері атанған талапкерлердің шығармалары жариялануда. Бұл жолы байқаудың І орны студент А.Өтепбергенге, ІІ орны журналистика саласынан жақында ғана мемлекеттік қызметке ауысқан Е.Беркінбаевқа, ІІІ орны мемлекеттік қызметші Ұ.Мұхамбетқалиқызына бұйырды. Сон­дай-ақ екі ынталандыру сыйлығы беріліп, оны шағандық А.Балманова мен А.Тоқмағамбетов ауы­лы­ның белсенді жасы А.Бекболатова иеленді. Терең бі­лімді, ұшқыр ойлы оқырман жеңімпаз­дардың шы­ғармасына өз бағасын береді деп сене­міз және байқау жеңімпаздарын құттықтаймыз.

Ақтөре ИБРАГИМҰЛЫ