Ә.Найзабаев көшесі асфальтталуда

Бүгін аудан әкімі Тереңөзек кентіндегі Ә.Найзабаев көшесінің жол жөндеу жұмыстарымен танысты.

Қазіргі таңда көше жолына асфальт жабындысы төселуде. Бұл жұмыстармен мердігер мекеме "Құрылыс-Көлік компаниясы" ЖШС айналысуда. Көшенің ұзындығы 0,38 шақырымды құрайды.

Аудан басшысы мердігер мекеме өкілімен сөйлесіп, жолдың сапалы және уақытылы салынуын атап өтті. Тиісті бөлім басшысына тұрақты бақылауда ұстауды тапсырды.