Тіршілік тынысы Tirshilik-tynysy.kz ақпараттық агенттігі
» » Бақытты бала – бақытты қоғам

Бақытты бала – бақытты қоғам

Балалардың жаз­ғы демалысын, бос уақы­тын тиімді өткізу маңызды. Осы ретте аудандық оқушылар үйінің жетекшілері аудан көлемінде ұйымдастырыл­ған балалар тынығу лагерлерінде арнайы іс-шара­лар өткізіп, дема­лушыларға көте­ріңкі көңіл-күй сыйлады.

Оқушылар үйі жанынан құрылған он тоғыз үйірме жазғы демалысты балалар үшін тиімді өт­кізуге барын салды. Жетекшілер «Жалын» тынығу лагері, №210 мектеп, №36, №35 мек­теп-лицейлеріне бөлініп, көңілді іс-шаралар ұйымдастырды. Оның ішінде, «Қалдық заттармен жұ­мыс», «Жапсырма», «Ән», «Квиллинг», «Бейнелеу өнері», «Драма», «Ою-өрнек», «Дойбы», «Шахмат» үйірмелері «Жалын» тынығу ла­­герінің тынығушыларымен бірлесе жұмыс ат­қарды. Үйірмеге оқушылар белсене қатысып, өз өнерлерін шың­дай түсті.

Ал Оспан Әбілпаттаев атын иеленген №210 мектеп лагерінде «Бояулар сыры», «Оригами», «Архимед» үйірмелері жұмыс жүргізіп, «Же­ті арал» іс-шарасын өткізді. №36 Әбілдә Тәжібаев атындағы мек­теп-лицейі жанынан құрылған «Ай­гөлек» тынығу лагерінде үйірме же­текшілерінің ұйым­дастыруымен «Лагерь ханзадасы мен ханшайы­­мы» сайысы өтті. №35 Иса Тоқтыбаев атындағы мектеп-лицейі жанынан құрылған «Бал­дырғанда» «Көңілді сәт», «Екі жұлдыз» кө­ңілді сайыс­тары өткізілді. Түрлі бағыттағы іс-шара­ларға жүздеген оқушы қаты­сып, ерекше әсер алды. Сондай-ақ сайыстардың жеңімпаздары дип­лом және естелік сыйлықпен марапатталды.

Сонымен қатар оқушылар үйі­нің мамандары аудандық білім бө­лімімен бірлесе отырып, «Балалар күні» мерекесіне орай ауқымды іс-шара өткізіп, балаларға қуаныш сыйлағанын айта кеткеніміз орынды.

– Бала – біздің болашағымыз. Бүгінгі ақпарат пен ғаламтор желісі, техника мен технология дамыған заманда балалардың уақытын тиімді өткізудің маңызы зор. Бұл алдыңғы буынға жүк­телген міндет деуге де болады. Оқу жылын аяқ­таған оқушылар жазғы демалысқа шықты. Осындай кезеңде олардың уақыттарының зая кетпеуі маңызды. Осы бағытта, яғни жазғы демалыстағы жасөспірімдердің өз уақыттарын тиімді пайдалануы үшін аудандық оқушылар үйі жанынан құрылған үйірмелер жүйелі жұмыс жүргізіп келеді. Әр оқушының өзіндің қабілеті, талғамы бар. Сол себепті олар аудандық оқушылар үйіне келіп, өздерінің қабілетіне сай үйірмелерге қатысуда. Келешек ұрпақты кемел болашаққа бастар тәрбие беру жолында аянбай еңбек ете бермекпіз, – дейді аудандық оқу­шылар үйінің директоры Әділбек Бәй­менов.

«ТТ» ақпарат
22 шілде 2023 ж. 316 0