Тіршілік тынысы Tirshilik-tynysy.kz ақпараттық агенттігі
» » «Құрбан айт» мерекесі қарсаңында жұқпалы аурулардың алдын-алу

«Құрбан айт» мерекесі қарсаңында жұқпалы аурулардың алдын-алу

Сырдария аудандық санитариялық –эпидемиологиялық бақылау басқармасы, қасиетті «Құрбан айт» мерекесі қарсаңында жаппай тамақтан уланудың, жіті ішек инфекцияларының алдын алу мақсатында төмендегі талаптардың сақталуын ескертеді.

Құрбандыққа шалынатын малдарды сою арнайы орындарда, тиісті ветеринарлық құжаттармен (ветеринарлық паспорт, құлақ сырғалары) жүзеге асыру; мал сою барысында шыққан қалдықтарды уақтылы залалсыздандырып, шығару; мал сою орындарында, қоғамдық тамақтану нысандары мен мешіттерде санитариялық-эпидемиологиялық талаптарды қатаң сақтау, яғни суық, ыстық сумен жабдықтау, келушілер мен персоналға арналған раковиналар, қол жуу, сүрту және (немесе) кептіру құрылғыларымен және құралдармен жарақтау; желдету, ауа баптау жүйелерінің үздіксіз жұмыс істеуі; тауардың қауіпсіздігін қамтамасыз ететін ілеспе құжаттамасының болуы; жұмыс басталар алдында персоналды медициналық қарап-тексеру; терінің іріңді аурулары, іріңді кесілген жарақаттар, күйіктер, жаралар, сондай-ақ жоғары тыныс алу жолдарының ауруы болған жағдайда тамақ әзірлеуге қатыспау; дайын өнім үшін шикі етке арналған кесу тақталарын, пышақтарды, ыдыстарды пайдаланбау; қызметкерлерде медициналық кітапшалардың болуы, жеке бас гигиенасын қатаң сақтау; ет, құс, жұмыртқадан тез бұзылатын тағамдар, сондай-ақ паштеттер, аспаздық өнімдер, кремі бар кондитерлік өнімдер, салаттарды дайындағаннан кейін бірден қолдану, сақтау талабы бұзылғанда, келесі күні пайдаланбау.

Естеріңізге сала кетейік, жоғарыда аталған санитариялық-эпидемиологиялық талаптарды сақтамау, халық арасында тамақтан улану және жіті ішек инфекциясы жағдайларының туындауына ықпал етуі мүмкін.

Сырдария аудандық СЭББ-ның
жетекші маманы Ж.Бисенбай
27 маусым 2023 ж. 175 0