Ана тілі – тіршіліктің бастауы

Қасиетті де, қас­тер­лі ұғым ана тілі – тір­шіліктің бас­тауы. Ана тілінің құ­діреттілігі сонда, ол дүниеге келген сәбидің бо­йы­­на ең алдымен ана сүті арқылы дариды және оны қоршаған ортасы арқылы бойы­на сіңіріп, үйренеді. Ең алдымен анасынан құлағына сіңіріп, бесік жырын тыңдап өсетін бала өсе келе өзі оған деген құр­метін ешуақытта жоғалтпайды.

Ана тілі арқылы адамның туған еліне деген сүйіспеншілігі арта түседі. Қазақтың ұлы тұлғалары мен ақын-жырауларын сөйлеткен қазақ тілінің мәртебесі жыл өткен сайын арта түсуде. Дегенмен қазақ халқымен бірге жасасып келе жатқан ана тіліміздің басынан небір қилы заман өткенін ұмытпауымыз керек. Сындарлы сәтте абыройы мен тұғырын түсірмей, шұрайлы да кемеңгер ойдың арнасынан шықпаған қазақ тілі кемел ойдың қазығы болып қала бермек.

Өз тілі жоқ кез келген халық жойылады. Сондықтан қазақ тілінің мәртебесін көтеру үшін қазақ тілінде сөйлеп, барлық іс-қағазды мемлекеттік тілде жүргізіп, қо­ғамның өзгеруіне ең алдымен өзіміз атсалысуымыз қажет. Сонда ғана келешек ұрпағымыз тіл мерейінің қадірін түсініп, оны құрметтейтін болады.

Әлемде қанша мемлекет болса, сонша тіл бар. Әр ұлттың қасиеті де, құдіреті де оның тілі. Тіл ананың ақ сүтімен дариды және ол қарым-қатынас құралы болып саналады.

Ұлтымыздың байлығы да, тірегі де, мақтанышы да – қазақ тілі. Ата-бабадан мұ­ра болып қалған ана тілімізді көзіміздің қарашығындай қорғау өскелең ұрпақтың міндеті деп білеміз.

Мемлекеттік тіл – қазақ тілі. Қазір барлық мемлекеттік мекемелер мен құ­зырлы органдарда іс-қағаздар қазақ тілінде жүргізіледі. Бұл біріншіден, ана тілі­міздің мәртебесін көтерсе, екіншіден, қол­даныс аясын кеңейтіп, оған деген құр­мет дәрежесін көрсетеді. Шын мәнінде, ең ғажайып әрі бай тіл болып саналатын қазақ тілі кез келген адамның жан дүниесін байытып, оған деген мақтаныш сезімін асқақтататыны сөзсіз. Ұлы ақын-жазушыларымыздың өзі ана тілімізге арнап қаншама жыр шумақтарын жазды. Даналықтың белгісі ретінде қанатты сөздер қалдырды. «Ұлт болашағы – ана тілінде» деп ұрандатты. Елін, жерін сүйетін әрбір азаматтың жүрегінде ана тілге деген құрмет болуы тиіс.

Расында, тіл мәртебесін биіктету үшін мемлекеттік деңгейде қатаң заң қабылдау керек. Ана тіліміздің қолдану аясын ке­ңейту мақсатында кешенді іс-шаралар қа­былдаған дұрыс. Мәселен, көшелерде орналасқан көрнекіліктер мен жарнамаларды түзеу маңызды рөл ойнайды. Себебі ақпараттық хабарламалар – идеологияның бірден-бір құралы. Сондықтан онда тек қазақ тілі ғана «сайрап» тұруы тиіс.
«Тіл тағдыры – ел тағдыры» дегенді әркім ұмытпауы тиіс. Әрбір адам өз ана тілінде сөйлемей, мемлекеттік тілді мең­гермей, еліміздің дамуы екіталай. Тіл ұмыт болса, ұлтқа қауіп келеді, тіпті жойылып кету қаупі төнуі мүмкін. Сондықтан отбасымыздан бастап, қызмет ететін орны­мызда тек қана қазақ тілінде сөйлеп, ұлтжандылығымызды көрсетейік.

Бибісара ТАҢАТАРҚЫЗЫ