«Жасыл белдеу» жанға сая

Аудан орталығын көркейтіп, туған ауылымызды жайқалған жасыл желекпен көгалдандыру мақсатында көк­темгі тал егу, таза­лық жұмыс­тары белсенді түрде жүр­гізіліп келеді. Нақты­рақ айтсақ, аудан орталығын­да «жасыл белдеу» қалыптасты­ру жоспарланған.

Игі мақсатқа негізделген жоспар барысында жү­йелі жұмыстар жүргізілуде. Күн жылығалы бері ме­кеме қызметкерлері мен тұрғындар тұрақты түр­де сенбілікке шығып, ауданымыздың дамуына өз үлестерін қосып жүр. Аудан орталығы мен ауыл­дық округтерде тұрақты түрде қолға алынған игі бас­тама жалғасын тауып келеді.

Бүгінде кент орталығындағы басты көше сана­латын А.Иманов көшесіне «жасыл белдеу» жұ­мыстарын жүргізу қарқын алды. Осы негізде кө­ше бойына тал егіліп, шарбақтарын жаңалау жұ­­­­мыстары жүргізілуде. Ағаш егу – бір жағынан са­уапты іс. Атқарылып жатқан жұмыстар кейінгі буын­­ға үлгі-өнеге де болып табылады. Аудан жасыл же­лекке оранса, жанға сая, ауа тазарып әрі ту­ған же­ріміз гүлдене түспек.

Айта кетейік, «жасыл белдеу» жұмыстары «Қы­зылорда-Жалағаш» автожолы бойындағы «Рас­сойл» АЗС – «Кіші қалған» каналы аралығында, жал­пы ұзындығы 750 метр аумаққа жүргізілетін бо­лады.

Тереңөзек кенті әкімдігі