Балаларға төлқұжат жасату арзандауы мүмкін
Кәмелетке толмаған балаларға берілетін паспорттар үшін мемлекеттік бажды екі есе төмендету ұсынылды, деп хабарлайды «Хабар 24».Яғни 8 айлық есептік көршеткіштен 4 айлық есептік көрсеткішке дейін төмендету керек, - деді сенатор Сергей Карплю. Ал жеке куәлігін 1 жылда бірнеше рет жоғалтып, 2 реттен артық қалпына келтіру үшін төлемді арттыру ұсынылды. Қазір жеке куәлігін жоғалтқан азаматтар 1 айлық есептік көрсеткіш көлемінде баж төлеп, оны қалпына келтіреді. Сенаторлар «Салық және бюджетке төленетін басқа да міндетті төлемдер туралы» заң жобаларына, осындай өзгерістер енгізуді ұсынды. Аталмыш нормаларды 2024 жылдың 1 қаңтарынан енгізу жоспарланған.
