Жасақшылар арнайы тәжірибе сабағынан өтті

Аманкелді ауылындағы өрт сөндіру депосы ғимаратында Аманкелді, Жетікөл, Айдарлы, Бесарық, Қоғалыкөл ауылдық округінен құрылған ерікті өрт сөндіру жасақшылары арнайы тәжірибе сабағынан өтті.

Елді мекендерде және дала алқаптарында орын алған өрттерді сөндіру барысындағы кәсіби даярлықтарын арттыру мақсатында Сырдария ауданы әкімдігінің, аудандық Төтенше жағдайлар бөлімі және №12 өрт сөндіру бөлімінің мамандарымен бірлесе арнайы тәжірибе алмасу ұйымдастырылды.

Алғашқы дайындық сабағы барысында еріктілер келген сала мамандарына көкейлерінде жүрген сұрақтарын қойып, тиісті мәліметтерін алды.

Ауылдық округтерден құрылған ерікті өрт сөндіру жасақшылары Сырдария ауданы әкімдігінің, аудандық Төтенше жағдайлар бөлімі және №12 өрт сөндіру бөлімінің мамандарына әріптестік байланыс орнатқаны үшін алғысын білдірді.