Тұрғындар мәселесін тыңдады

«Халық үніне құлақ асатын мемлекет» тұжырымдамасы негізінде аудан әкімінің есепті кездесуі жалғасын табуда. Бұл жолы аудан басшысы Мұрат Ергешбаев Бесарық, Қоғалыкөл және Шіркейлі ауылының халқымен кездесті. Халық жи­ы­­­­­­­­ны­на аудан прокуроры А.Кемалов, аудандық поли­­ция бастығы Ғ.Тұрсекеев, аудандық ардагерлер ке­ңесінің төрағасы М.Келдібаев, дербес бөлімдер мен коммуналдық сала басшылары қатысты.

Әдеттегідей, аудан басшысы өткен жылғы жұмыстарға тоқталды. Ауданды да­мы­тудағы атқарылған жұмыстарды айтып, барлық саладағы оң нәтижелерді назарға ұсынды. Мұнан соң әрбір елді мекен бойынша алда атқарылуы тиіс мәсе­лелерді саралады.

Негізінен, берекесі артқан Бесарық ауылында былтыр Ғ.Мұратбаев, С.Мінайда­ров, Ә.Өтешов, К.Әуезова, Тәуелсіздік көшелеріне күрделі жөндеу жұмыстары жүргізілген. Ауылда 11 азамат мемлекеттік бағдарламалар аясында жылқы, сиыр малдарын көбейту және бордақылау, ауыл шаруашылығы техникасын сатып алу үшін несие алса, 32 азамат грант алып, кәсібін бастаған. Одан бөлек инвестор «Абай-Даулет» ЖШС-нің демеушілігімен 2 отбасыға тұрғын үй салынып берілген.

– Ауылдағы берекелі жұмыстар биыл да өз жалғасын табады. Атап айтқанда, ауыл тұрғындарына арналған жаңа қоныстану аймағы үшін жоба дайындау, көшелердің электр желілерін ауыстыру, өткен жылы басталған спорт кешенінің құрылыс жұмыстарын аяқтау жұмыстары жүргізілетін болады. Ауыл халқының тарапынан айтылып жатқан ұсыныстар біздің тұрақты бақылауымызда, оларды бюджет мүмкіндігіне сай атқара беретін боламыз, – деді Мұрат Нәлхожаұлы.

Былтыр Қоғалыкөл ауылында да бірқатар көше жөндеу көрді. Елді ме­кендегі Тілеу ұста және Қ.Сәтбаев көшелеріне орташа жөндеу жұ­мыс­тары жүргізілген. Ал биыл «Қы­зылорда-Қоғалыкөл-Шіркейлі» автомобиль жолының белгілі бөлігі 151 млн теңгеге жөндеуден өтеді деп жоспарланған. Сондай-ақ ауыл халқы көтеріп жүрген электр же­лілері де толық ауысатын болды. Бұған республикалық бюджеттен 499 млн теңге қаржы бөлінген және тиісті жұмыстар наурыз айында бас­тау алмақ.

Кездесуде қоғалыкөлдіктер кө­ше­лерді жөндеу, жер мәселесі, ойын алаңдарын салу, ауылдағы кә­сіп­­керлікті дамытуға қатысты сауал­дарын жолдады.

«Батыс Еуропа-Батыс Қытай» ав­то­дәлізіне жақын орналасқан Шір­кейлі ауылындағы халық жиыны­на облыс әкімінің бірінші орынбасары С.Қожаниязов, облыстық құқық қорғау органдарының өкіл­дері, қо­ғам­дық ұйымдар, тиісті бас­қарма­­лардың басшылары арнайы қатыс­ты.

Алдымен аудан әкімі осы жылы ауылға қатысты атқарылатын жұ­мыс­тарға тоқталды.

– Биыл аудан бойынша 11,6 млрд теңгенің 75 жобасы респуб­ликалық және облыстық бюджетке ұсынылып, қазіргі таң­да 7,7 млрд теңгенің жобаларына тиісті қаржылық қолдаулар көр­се­тілді. Ал­дағы бюджеттік нақтылау­лар­да қалған жобаларға қаржы алу мақ­­сатында тиісті жұмыстар жүргі­зі­луде. Оның ішінде, Шіркейлі ауы­­лы бойынша ағымдағы жылы ауылдық фельдшерлік-акушерлік бе­­­кет­­ке күр­­делі жөндеу жүргізіліп, аяқталуы жа­қын. Елді мекендегі Қ.Қожамжаров және Бейбітшілік кө­шесіне орташа жөндеу жұмыс­тары жүргізіледі. Осыған байланыс­ты бүгінде тиісті мемлекеттік сатып алу жұмыс­тары жасалуда, – деді аудан басшысы.

Негізінен, Шіркейліде кәсіпкер­лік саласына бет бұрғандар көп. Статис­тикалық мәліметтер келтіре­тін болсақ, ауылдық округ бойын­ша 136 кәсіпкерлік субъектісі тір­келген. Қазіргі уақытта олардың 131 жұмыс істеп тұр. Ауыл халқы мемлекеттік бағдарламалардың игі­­­­­­­лі­гін көруде. Аграрлық несие кор­­порациясының «Іскер» бағдар­ламасы бойынша 8 кәсіпкер 27 млн теңге несие алып, кәсібін дөң­гелетуде. Ал «Микробизнес-Қы­зыл­орда» бағдарламасы бойынша 2 кә­сіпкер мал бордақылау бағытында 6 млн теңге несие алған. 2021-2025 жылдарға арналған кәсіпкерлікті қолдаудың ұлттық жобасы аясында жаңа бизнес-идеяларды іске асы­руға арналған мемлекеттік грантты ауылдан 34 адам алып, өз кәсіптерін бастаған.

Шіркейлі ауылында соңғы кез­дері үлес­керлер арасында өзекті мәселе бар. Осыған байланыс­ты кездесуде тұр­ғын­дар тарапынан «Мәді қажы» ЖШС-нің төр­аға­сын ауыстыру мәсе­лесі көте­рілді. Бұған қатысты облыс әкі­мі­нің бі­рінші орынбасары Серік Қожа­ния­зов тиісті заңнамалық тұрғыда тү­сіндірме берді. Шаруа­шы­лық және үлескерлер арасын­дағы мәсе­лені зерделей келе, халықтың ұсы­нысымен заңды тұр­ғы­да тиісті нор­­маларды сақтай оты­­рып, ша­руа­шылық төрағасын жалпы жиналыс өткізу арқылы сайлауға ке­лісімге келді. Заң талаптарына сәйкес, алдын ала хабарлама бері­ліп, жалпы жиналыстың күні белгі­ленетін болады.

Үш ауылдағы кездесуде тұр­ғын­дар көкейлеріндегі мәселелерін ат­қарушы билікке жеткізді. Аудан әкімі халық көтерген мәселелер ба­қы­лауда болып, сол негізде жұ­мыс­тар жасалатынын жеткізді.

Е.БЕРКІНБАЕВ