Сот жұмысы цифрландырылған

Былтыр аудандық сотта 63 қылмыстық іс қаралып,­33 іс бойынша үкім шығып, 19 іс тоқтатылған. Сон­дай-ақ 9 іс соттылығы бойынша жолданып, 2 іс про­ку­ратураға кері қайтарылған. Бұл туралы аудандық сот төрағасы Руслан Алдамбергенов баспасөз конференциясында мәлімдеді.

Сот төрағасы алдымен сот саласын реформалау, цифрландыру жә­не заң үстемдігін қамтамасыз ету ба­ғы­тында атқарылған жұмыстарға тоқ­тал­ды. Президент тапсырмасымен және Жоғарғы Сот бастамасымен жү­зеге асып жатқан жобалардың ауданда ұйымдастырылуы барысы жө­нінде ақпараттармен бөлісті. Руслан Алдамбер­геновтің айтуынша, бүгінде аудандық соттағы барлық істер аудио-бейне жазба арқылы өткізілуде. Мұнан бөлек әкімшілік құқық бұзушылық туралы істердің 100%-ы, қылмыстық іс­тердің 97%-ы электронды нұсқада тү­сіп  қаралған.

– Цифрлық технологиялар – сыбайлас жемқорлықтың алдын алады. Сонымен қатар адам мен адам ара­­сындағы байланысты азайтып, сот жұмысын жеңілдетеді. Бұл ретте ау­дан­дық сотта жұмыстардың басым көп­ші­лігі цифрландырылған деп айтуға толық негіз бар. Оны ғимараттың кіре­бе­рісінен бастап сот өтетін залға дейін­гі аралықтан анық аңғаруға болады, – деді Руслан Алдамбергенов. 

Жалпы, аудандық сотқа өткен жы­лы 403 талап қою мен 7 іс түскен. Барлығы 297 азаматтық іс қаралған, оның ішінде 45 іс бойынша сот бұйрығы мен 106 шешім қабылданып, 121 іс өн­дірістен тоқтатылған. Қараусыз қал­дырылған істер де бар. Мәселен, былтыр 21 іс қараусыз қалдырылса, 4 іс соттылығы бойынша жолданған және 3 жеке ұйғарым қабылданған.

Былтыр атқарылған жұмыстардың барысын 2021 жылмен салыстырған­да түскен талап қоюлар мен істердің саны 12%-ға, қаралған істердің са­ны 13%-ға азайған. Айтып өту керек, былтырдың өзінде аудандық сот­тың өндірісіне 191 әкімшілік құқық бұзушылық туралы іс түскен. Соған сәйкес 189 іс қаралып, 1 іс соттылығы бойынша жолданған, сондай-ақ 146 азаматқа әкімшілік жаза қолданылып, 12 жекеше қаулы қабылданған. Ал та­туласу тәртібімен 3 азаматтық іс,  медиаторлардың қатысуымен 112 аза­маттық іс тоқтатылған. Сонымен қа­тар әкімшілік құқық бұзушылық туралы 26 іс пен 19 қылмыстық іс медиация тәртібімен аяқталған. Осы және басқа да мәліметтер жөнінде айтқан сот төрағасы Р.Алдамбергенов жыл бойы ақпараттық қолдау көрсеткен ау­дандық газет редакциясына алғысын білдірді. Алдағы уақытта да бірлесе жұмыс істеуге, ақпараттық-насихаттық жұмыстарды күшейтуге соттың мүдделі екенін жеткізді. Баспасөз мәжілісінің соңында сот төрағасы журналистер тарапынан қойылған бірқатар сұрақтарға жауап берді.

А.ҚҰРМАНАЙТЕГІ