Аудандық сот алты айды қорытындылады

Сырдария аудандық сотының төрағасы Руслан Алдамбергенов жергілікті БАҚ өкіл­­дерінің қатысуымен баспасөз конференциясын өткізді.

Конференция барысында сот төрағасы соңғы 6 айда атқарылған жұмыстармен қатар саланы же­тіл­діру бойынша басым-бағытқа тоқталды.

– Сот саласын жан-жақты реформалау күн тәр­тібінен түспейді. Сала мамандары қашан­да азаматтармен тығыз байланыс орнатып, ашық­тық­ қағидатын ұстанып келеді. Сан салаға бө­лін­ген сот жүйесінің қызметі бірнеше бағытты құрай­ды. Негізінен, осы жылдың бірінші жартыжыл­дығында 34 қылмыстық іс 39 адамға қатыс­ты қаралған. Оның ішінде, 17 іс бойынша 22 адам­ға үкім шығарылған. 8 адамға байланысты 8 іс уақытында тоқтатылған. Және де 1 азаматқа қа­тысты 1 іс прокуратураға кері қайтарылса, 2 жеке қаулы қабылданған. Айта кетейік, осы мерзімде 159 талап арыз және 2 іс түскен. Есепті кезеңде 130 азаматтық іс қаралғандығы мәлім. 16 іс бо­йын­ша сот бұйрығы, 54 шешім қабылданып, 53 іс өндірістен тоқтатылған. Сонымен бірге 5 іс қа­­раусыз қалдырылса, 2 іс соттылығы бойынша жол­­данған және 3 жеке ұйғарым қабылданған.

Ендігі кезекте әкімшілік істер жөнінде тар­қа­­тып айтқанымыз жөн болар. Жалпы есепті ке­зеңде аудандық соттың өндірісіне 100 әкім­ші­лік іс түскен.

– Сот қарауына келіп түскен әкімшілік істердің ішін­де 98 іс толық қаралған. 1 іс соттылығы бойынша жолданса, 83 адам­ға әкімшілік жаза қолданылды. Бұл ретте, 15 адамға қатысты іс тоқтатылған, 1 іс қалдықта тұрса, қаралған әкімшілік істер бойынша 3 жеке қаулы қабылданған. Ал татуласу тәртібімен 3 аза­маттық іс, медиаторлардың қатысуымен 49 аза­маттық іс, 10 әкімшілік іс, 8 қылмыстық іс аяқ­талған, – деді сот төрағасы.

Бүгінде барлық сот процесі аудио-бейне жазба арқылы қаралуда. Сонымен бірге барлық қыл­мыстық және әкімшілік істер электронды нұсқада келіп түскен. Сондай-ақ 159 талап-арыздың 133-і «Сот кабинеті» сервисі арқылы түскендігін атап өткен жөн. БАҚ өкілдерінің сауалына жауап берген Руслан Алдамбергенов өткен жылдың 6 айымен са­лыстырғанда істер саны едәуір азайғанын тілге тиек етті. Мал ұрлығы, жол-көлік оқиғасы, азаматтар арасындағы дауларға байланысты түсіндірме жұмысы жүргізілуде. Алдағы уақытта сот жүйесін реформалау жүзеге асады. Жос­парлы мерзімде са­ла мамандарының жұмысы оңтайландырылады.

Әкімшілік ресімдік-процестерге өзгерістер ен­гізу, кәсіпкер және заңды тұлғамен өзара жұмысты үйлестіру, мемлекеттік органдардың дауларын шешу, пробация есебінде тұратын азаматтарға тү­сіндірме жүргізу барысы да кеңінен тал­қы­ланды.

Балтабай Аябекұлы