Жаңа шаштараз жұмысын бастады

Кәсіп – адамның өмірбойына айналысатын жұмысы. «Еңбек еткеннің еңсесі биік» деген аталы сөз бар.  Оны одан әрі дамыту, алға жылжу – өз еңбегіңнің нәтижесі болмақ. Расында да, әрекет еткен адамның қос қо­лына жалғыз күрек табылары анық. Бүгінде мемлекет тарапынан қаржылай қолдау тауып, шаруасын дөңгелетіп отырған жас кәсіпкерлер қатары артып келеді. Бизнес пен бәсекеге қабілетті адамдар санының көбеюі – әл-ауқатымызды арттырып, экономикамызды дамытады.

Осы орайда «2021-2025 жылдарға арналған кәсіпкерлікті дамыту жөніндегі ұлттық жоба бойынша» 2022 жылы Қалжан ахун ауылдық округінен 11 тұрғын грант иегері атанды, соның бірі А.Зинабдинов шаштараз саласы бойынша өз кәсібін ашып бастады.

«Қазіргі нарық заманында әр адамның өз кәсібі болу қажет деп санаймын. Осы орайда мен де өз ісімді бастауды жөн санап, мемлекеттің қолдауына жүгіндім. Қажетті құжаттарды жинап, сабаққа қатысып, бүгінде қаржылай қолдау тауып, өз ісімді бастадым. Жастарды жұмыспен қамтуда, өз кәсібін бастауға көмек көрсеткені үшін өз ризашылығымды білдіремін», - дейді А.Зинабдинов. 

Кәсіпкерге алдағы уақытты жұмысына сәттілік, кәсібіне береке тілейміз.

Қалжан ахун ауылдық округі әкімдігі