Дәулет Сәрсенбаев жастармен кездесті

Бүгін ауыл әкімі Даулет Сарсенбаев ауыл жастарымен кездесіп, олардың ұсыныс-пікірлерін тыңдады.

Кездесуде жастарға қоғамды жаңарту үшін ең алдымен адам өзін-өзі жаңарту керектігін айтып, кітап оқудың, бос уақытты тиімді жоспарлаудың маңыздылығын айтты. Сондай-ақ әр азамат белгілі бір мамандықтың шебері ғана емес жан-жақты болуы керектігіне тоқталды.

Жастар өздерін толғандырған сұрақтарын қойып, таяу болашақтағы жоспарларымен бөлісті.

Кездесуге келген жастар ауыл әкіміне алғыс айтып, алдағы атқарылар жұмыстарға қолдау білдіретіндіктерін жеткізді.

Бесарық ауылдық округі әкімдігі