Тіршілік тынысы Сырдария аудандық қоғамдық-саяси газет
» » Асуларды алады жастар әлі, зор болашақ бүгіннен басталады

Асуларды алады жастар әлі, зор болашақ бүгіннен басталады

Ауданға қарасты Аманкелді ауылында Қызылорда облысының «Волонтёрлер фронт-офис» жетекшісі Болатбек Әйтбенбетов, «Жылы жүрек жастар» қоғамдық қорының төраға­сы Сағатбек Сиюов, Сырдария аудандық «Жастар» ресурстық орталығының директоры Ға­ни Оралов белсенді жастарымен еркін форматта кездесті.
Кездесу барысында Қызылорда облы­сының «Волонтёрлер фронт-офис» жетекшісі Болатбек Әйтбенбетов Қазақстан Президенті Қасым-Жомарт Тоқаевтың Қазақстан халқына арнаған «Халық бірлігі және жүйелі реформалар – ел өркендеуінің берік негізі» Жолдауы­нан туындаған міндеттерді, оның ішінде ел ертеңі саналатын жастар саясатын іске асыру бойынша өз ойын ортаға салды. Жыл сайын жастарды қолдау назардан тыс қалмайтынын айтып, өңірдің, ауданның дамуына да жас­тар белсенді болу керектігін тілге тиек етті. Кездесуде «Жылы жүрек жас­тар» қоғамдық қорының төрағасы Сағатбек Сиюов ерікті болу – ерлік болып саналатынын, қоғамдағы осал топтағы жандарға көмек көрсетуде жас­тар алғы шепте жүру керектігін айтты. Өз кезегінде аудандық «Жастар» ресурстық орталығының директоры Ғани Оралов аудан жастарының белсенділігін арттыру бағытында нақты шаралар қабылданып, тұрақты жұмыстар атқарылып жатқанын жеткізді.
Жастармен кездескен құрметті меймандар жастардың алар асуы әлі алда екендігін атаса, ауыл жастары бос уақытты тиімді пайдалану, жастар саясатын іске асыруға қатысты өз пікірлерімен бөлісті. Және де кездесуге келген меймандарға алғыстарын айтып, сый-құрмет көрсетті. Ауылдық мәдениет үйінің өнерпаз жастары көңілді кездесуді керемет ән шашумен қорытындылады.

Аманкелді ауылдық округі әкімі аппараты
11 қыркүйек 2021 ж. 42 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам