Ауыл әкімі жастармен еркін форматта кездесті

Аманкелді ауылдық округінің әкімі Мейрамбек Нұрғалиев белсенді ауыл жастарымен кездесіп, ауыл көлемінде атқарылған жұмыстарды баяндап, олардың ұсыныс-пікірлерін тыңдады.

Ашық аспан астындағы еркін форматтағы кездесуге ауыл әкімі Мейрамбек Нұрғалиев, ауыл әкімі аппаратының бас маманы Бауыржан Ермағанбетов және белсенді ауыл жастары қатысты.

Өз кезегінде ауыл жастары бос уақыттарын тиімді пайдалануына жағдай жасау және жабық спорт кешенін ашуға ықпал жасауды сұрады.

Ауыл әкімі жастармен кездесу барысында «Жалын» еріктілер штабының жүйелі жұмыстарын айтып, алдағы уақыттағы жастар саясатының дамуына жастарды бірлесе үлес қосуға шақырды.

Кездесуге келген жастар ауыл әкіміне алғыс айтып, алдағы атқарылар жұмыстарға қолдау білдіретіндіктерін жеткізді.

Аманкелді а/о әкімдігі