Кеңес отырысында әлеуметтік мәселелер көтерілді

Аудандық партия филиалының мәжіліс залында өткен партия филиалы жанындағы әлеуметтік мәселелер жөніндегі қоғамдық кеңесінде жұмыспен қамту және әлеуметтік мәселелер көтерілді. Кеңес отырысын кеңес төрағасы Еркебұлан Жақып ашып, жүргізіп отырды. Кеңес отырысына аудандық мәслихат депутаттары Б.Есназар, Ғ.Жаңабаева және кеңес мүшелері қатысты.

Күн тәртібінде төмендегідей мәселелер қарастырылды:

1. Сырдария аудандық филиалының «Өзгерістер жолы: Әр азаматқа лайықты өмір!» атты сайлауалды бағдарламасының жол картасының орындалу барысы туралы

2. Сырдария аудандық филиалының «Өзгерістер жолы: Әр азаматқа лайықты өмір!» атты сайлауалды бағдарламасының жол картасындағы 2022 жылға белгіленген Отбасы, әйелдер және балалардың құқығын қорғау және жұмыспен қамтуды және халықтың әлеуметтік әлсіз топтарын қолдауға байланысты пункттердің орындалу туралы есебін тыңдау;

Отырыстың күн тәртібі бірауыздан мақұлданған соң, баяндамалар жасалды.

Кеңес отырысының қорытындысы бойынша шешім қабылданды.