Халық қажеттілігі–басты назарда

Қазіргі таңда аудан тазалығына аса мән берілуде. Апта сайын сенбіліктер ұйымдастырылып, көшелерді тазарту жұмыстары жүргізіліп жатыр. Осыған байланысты бүгін аудан әкімі Мұрат Ергешбаев Б.Момышұлы көшесі бойының тазалығына мән берді. Сондай-ақ Тереңөзек кентіндегі пойыз жол жиегін аралап, осы маңды қоқыстан арылту керектігін атады. Бұл жұмыстарға облыстық мәслихат депутаты, белгілі кәсіпкер Расул Есенов атсалысатынын жеткізді.

Аудан басшысына «Углесбыт» ЖШС директоры Расул Есенов кәсіпкерлікті дамыту бағытындағы жұмыстарды көрсетті. Қазіргі таңда өндірісті дамыту үшін күріш өңдеу зауытын салу жұмысы басталған. Соның аясында кәсіпкер жергілікті тұрғындарды жұмыспен қамтылатынын айтты.

Аудан әкімі Мұрат Нәлхожаұлы ауданда ірі өндірістер ашуды жүзеге асыру керектігіне тоқталды. Оның аудан экономикасына, аудан халқының тұрмыс деңгейінің жақсаруына тигізер үлесі зор екенін атады.

Сырдария ауданы әкімінің баспасөз қызметі