Аудан әкімінің Үндеуі
Құрметті аудан тұрғындары!
Сырдария ауданы-тамыры терең, тарихы кенен, киелі өңір. Қашаннан береке - бірлігі бекем, иісі қазақ аңқыған салт пен дәстүрдің ордасына айналған туған еліміз бүгінде жасарып, жаңарып, жайнап келеді.
Қадірлі ағайын!
Көктемнің шуақты күнінде үйіміздің, ауламыздың, көшеміздің тазалығына көршілеріңізбен бірге үлес қосуға шақырамын!
Таза елді-мекен қоғамын қалыптастыруға ӨЗ ҮЙІҢДІ, ӨЗ АУЛАҢДЫ, ӨЗ КӨШЕҢДІ тазалап, ауданымыздың шынайы жанашыры екеніңді таныт!
Белсенді тұрғын, ынтымағы мен бірлігі жарасқан көше, төртеуі түгел ауыл тұрғыны екенімізді көрсетейік!
Қымбатты жерлес!
АТА ҚОНЫСТЫ ТҮЛЕТ!
Себебі, СЫРДАРИЯ – бұл сенің – ҮЙІҢ, бұл сенің – АУЛАҢ, бұл сенің – КӨШЕҢ, бұл сенің – СҮЙІКТІ ЕЛІҢ!
М. Ергешбаев,
Сырдария ауданының әкімі
