Жалпы білім беретін пәндер бойынша республикалық олимпиаданың облыстық кезеңі басталды

Жалпы білім беретін пәндер бойынша республикалық олимпиаданың аудандық, қалалық іріктеу кезеңдерінің қорытындысы бойынша облыстық кезеңге 391 оқушы қатысады, деп хабарлайды syrboyi.kz.

Олимпиаданың облыстық кезеңі облыс орталығындағы Т.Есетов атындағы №264 мектеп-лицей базасында 24 наурыз бен 30 наурыз аралығында өтеді.

Республикалық олимпиаданың облыстық кезеңі «1 оқушы, 1 компьютер, 1 камера» қағидасы бойынша «Оқулық» платформасы арқылы жүргізіледі. Бұл зияткерлік жарысты өткізудің ашықтығы мен айқындығын қамтамасыз етуге мүмкіндік берді.

Облыстық кезеңде оқушылар жаратылыстану-математика, қоғамдық-гуманитарлық бағыттардағы 14 пән бойынша бақтарын сынайды.

Электронды форматты енгізу олимпиадаға қатысушылар тарапынан түрлі бұзушылықтарға жол бермейді.

Айта кетейік, жалпы білім беретін пәндер бойынша республикалық олимпиаданың облыстық кезеңін syr-daryny.kz ресми сайтынан тікелей эфирден көруге болады.