Президент Жолдауы: Жаңа Қазақстан құрудағы нақты қадам

Президентіміз Қасым-Жомарт Кемелұлының «Жаңа Қазақстан: жаңару мен жаңғыру жолы» атты жолдауы сындарлы тұста шындық пен ақиқаттың ара-жігін аша, өткенге сын көзбен қарай жасалғандығын сезіндім. Атап айтқанда, қоғамның, мемлекеттің сан саласын қамтыған, әбден таразыланған салмақты әрі тарихи мәні зор құжат деп қабылдадым. Өзіндік жолы айқын, әр қадамы нық, нақты жоспары бар тұлғаның әрбір лебізінен санамдағы әрбір сауалға жауап алғандай болдым. Мемлекет басшысы Жолдаудың алғы сөзінде бұл құжаттың мән-маңызы ерекше екенін әрі одан туындайтын міндет-тапсырмалардың ұзақ мерзімді қамтитынын да баса айтып өтті. Атап айтқанда, бүгінгі Жолдау, еліміздің тарихи құндылықтары мен осы кезеңнің күрделі тұстарын қабыстыра отырып қабылданған шешімдерге толы болды ден санаймын.

Бүгінгі Жолдау- халықтың ойынан шыққан жолдау болды. Олай дейтінім, облыс атауларының қазақи рең берілуі.

Семей аймағы Абай облысы, Жезқазған шекарасы Ұлытау облысы деп аталды. Ал Алматыда Жетісу облысы құрылды. Облыс атауларының бұл өзгеруі - рух беретіні сөзсіз.

Бүгінгідей күрмеуі қиын күрделі кезеңде батыл қадамдар жасай білген басшысының бейнесінен ашықтық, кесімді шешім қабылдаушылық секілді қырлары іспен астасқанын көрдім. Әсіресе, маған:«Қағаз бетінде ғана жүзеге асырылған, бірақ шындыққа еш жанаспайтын жалған табыстарға масаттанып отыратын заман келмеске кетті. Халыққа көпірме сөз, бос уәде емес, көзбен көріп, қолмен ұстауға болатын оң өзгерістер керек»,-деген сөздері үлкен серпін берді. Осындай ісіміз бен әрекетімізде нақты жетістіктерге жетелейтін, оң өзгерістердің қарымды қадамын жасау қажет деген ой түйдім.

Е.Әжікенов,

Сырдария аудандық мәслихатының хатшысы