Cаяси жаңғыру – жаңа өмірдің сипаты

Қасіретті қаңтар оқиғасынан кейін Мемлекет басшысы Қасым-Жомарт Тоқаев биылғы Жолдауды жылдағыдан ерте жолдады. Жаңа Жолдау «Жаңа Қазақстанды» қа­лып­тастырып, жаңару кезеңіне бай­ланысты болды.

Біз Тәуелсіздігіміздің 30 жы­лында жеткен жетістікті ұмыт­пауымыз қажет. Десе де қаңтар оқиғасы халықтың әлеуетін көр­сетіп берді. Сондықтан елі­мізге түбегейлі өзгеріс енгізу қажеттілігі туындады. Осыны ескерген Президент жаңа жүйе қалыптастыруда тың бастамалар көтерді. Өз сөзінде Мемлекет басшысы «Біз бұл өзгерістерді жұртқа жақсы көріну үшін жасамаймыз. Қағаз бе­тінде ғана жүзеге асырылған, бі­­рақ шындыққа еш жанаспайтын жалған табыстарға масаттанып отыратын заман келмеске кетті» деп атап өтті. Сол себепті ашықтыққа негізделген жұмыстар жүргізіліп, халықтың мәселесін жыл­дам шешу тетіктері іске асырылатын болады.

Бұл ретте күшті Парламенті бар президенттік республикаға түпкілікті көшуге бетбұрыс жасалды. Яғни, мұндай жүйе билік институттарының оңтайлы тең­гері­­­мін қамтамасыз етеді және елдің орнықты дамуына ықпал ететін болады. Саяси жаңғыру, елді үздіксіз дамыту, әлеуметтік-экономикалық өзгерістер – мем­ле­кетіміздің терезесін дамыған елдермен теңестірудің бірден-бір жолы. Сондықтан билік басында да адал, халыққа жаны ашитын басшылар отыруы керек.

Бұл Жолдауда тарихи шешім­дер қабылданды. Тарихға тағзым жасалып, Абай, Ұлытау, Жетісу облысының құ­рылуы көпшіліктің арман болған. Сол орындалып, ұлан-ғайыр жеріміздің байырғы атаулары, ұлы тұлғаларымыздың есімі ұрпақ санасында жаңғыра түсті.

Жаңа Қазақстанның қозғаушы күші – біздің азаматтарымыз. Сон­­­­­­­­­­­­дықтан жаңа міндет, ортақ мұратқа қол жеткізу үшін әрбір азамат өз саласында сапалы ең­бек етуге тиіс. Президентіміз айт­­­­­­қандай, бізге ешкім сырттан келіп, ештеңе жасап бермейтіні анық, бәрі өз қолымызда. Сон­дықтан Жаңа Қазақстанды құру жолында баршамыздың жұ­ды­рық­­­тай жұмылып әрекет етуіміз аса маңызды.

Мұса КЕЛДІБАЕВ,

аудандық ардагерлер

кеңесінің төрағасы