«Жаңа қазақстан: жаңару мен жаңғыру жолы»

Мемлекет басшысы Қасым-Жомарт Кемелұлы Тоқаевтың жыл сайынға дәстүрлі Жолдауында елді дамыту бойынша түрлі реформалар айтылып, кезеңімен орындалуда.

Бүгінгі Жолдауды «AMANAT» партиясының аудандық филиалында ұжым болып көрдік. Мемлекет басшысы «Қасіретті қаңтар» оқиғалары еліміздің әлемдік қауымдастық алдында беделіне нұқсан келтіргенін атап айтты. Мемлекеттік төңкеріс жасауға ұйымдасқандар өз дәрежесінде заң шеңберінде жауапқа тартылатындығын атап өтті. Жолдауда партиялық теңдікті қалыптастыру, сайлау жүйесін реформалау, мемлекеттік басқару жүйесінің жаңа моделін енгізу секілді маңызды мәселелер айтылды. Жолдауда көтерілген маңызды мәселелердің бірі еліміздің аумақтық құрылысына өзгерістер енгізу мәселесі. Жаңадан құрылатын Ұлытау, Абай және Жетісу облыстары мемлекеттік басқарудағы рөлді жеңілдетіп, көлік логистикасының дамуына сеп боларын атап өтті. Жалпы алғанда бұл Жолдау өзге ерекше болды. Мемлекет басшысы атап айтқандай «Жаңа Қазақстанымызды» бірге құруға атсалысайық!

Е.ЖАҚЫП,
«AMANAT» партиясы Сырдария аудандық филиалының атқарушы хатшысы