Жемқорлықтың зардабы көп

Мемлекет басшысы Қ.Тоқаевтың жыл са­йынғы халыққа арнаған Жолдауында қыл­мыспен, сыбайлас жемқорлықпен күресудің өзектілігі айтылып келеді. Президент «Сыбайлас жемқорлықпен тиімді күресті жалғастыру қажет» деп атап өтті.

Бүгінде Қазақстанда сыбайлас жем­­қор­­­­лыққа қарсы күреске жалпы мемле­кет­­тік мәртебе берілді. Оған қар­сы кү­рес мемле­кеттік саясаттың негізгі басым­дық­тарының бірі ретінде белгіленген. Сыбай­ластық көрі­ністерін болдырмау мақ­сатында қоғамдық-саяси күштермен бір­лесе отырып, кең ауқым­ды жем­қорлыққа қарсы науқан жүр­гізілуде.

Елімізде 2015 жылдан бастап жем­қор­лыққа қарсы жаңа стратегиясы қа­лып­тас­қан. Соған орай процессуалдық заңнамаға көп­теген түзетулер енгізілді. Сыбайластық си­патындағы құқық бұзу­шылықтар үшін жа­уапкершілік қатаң­да­тылды. Жемқорлыққа қа­тысты құқық бұзу­шылық жасағаны үшін жұ­мыстан босатылған адамдарға мем­ле­кеттік органдарда қандай да бір лауазымды атқаруға өмір бойына тыйым салынды. Сон­дықтан осындай заңсыз әрекетке баратындар барлық артықшылықтардан мүлде айы­р­ы­­­­­­­­­латынын әркез естен шығармағаны абзал.

Сыбайлас жемқорлықпен күресудің нә­тижелі болуы үшін адамдардың санасында оның кез келген түріне мүл­дем төзбеушілік қағидасы тұруы тиіс. Сы­байластық сипа­тындағы құқық бұзу­шылықтың зардабы адам­ның өзіне ғана емес, ұрпағына да зардабын тигі­зетіні есте болсын.

А.ХАБИЕВА,

аудандық қазынашылық басқармасы басшысының

орынбасары