Семинар-кеңес өтті
Бүгін, Сырдария аудандық санитариялық – эпидемиологиялық бақылау басқармасының 10 наурыз 2022 жылғы №28-нқ бұйрығына сәйкес, басқарма мамандарының ұйымдастыруымен «Атамекен» Қызылорда облысының кәсіпкерлер палатасы Сырдария аудандық филиалының мәжіліс залында «Халықтың санитариялық – эпидемиологиялық саламаттылығы саласындағы мемлекеттік қызметтерді көрсетудің кейбір мәселелері туралы» Қазақстан Республикасы Денсаулық сақтау министрінің 2020 жылғы 30 желтоқсанындағы №336/2020 бұйрығын талқылауп, түсіндіру мақсатында семинар-кеңес өткізілді. Семинар-кеңеске аудан кәсіпкерлері, кәсіпкерлік нысан қызметкерлері мен сатушыларына және аудан тұрғындары қатыстырылды.
Кеңес барысында Басқарманың бас маманы Г.Тусмаганбетова қызмет алушыларға көрсетілетін мемлекеттік қызметтерді электронды е-гов, е-лицензиялау парталы арқылы халыққа қызмет көрсету орталығынан немесе өз үйінде отырып, электронды өтініш беруге болатындығы түсіндірілді. Сонымен қатар, кәсіпкерлер тарапынан қойылған сауалдарға толық жауап берілді.
