Аманкелді ауылында көше жарықтандырылуда
Көшенің бойына орнатылған жарықтандыру шамдары ауыл мәдениеті мен көркінің ажырамас бөлігі болып есептеледі. Жарық жүйесі қараңғылық түскенде іске қосылып, жолаушыға жол сілтеп, мектептен қайтқан оқушыларға табан жолын көрсетіп қана қоймай, түнгі уақытта адамдар қауіпсіздігіне де қорған болады.
Көшелерді жарықтандыру үшін қауіпсіз әрі тиімді энергия қондырғыларын енгізу маңызды әрі көше жарығы ауылдың сәні.
Ауыл әкімінің ұсынысы нәтижесінде кешкі мезгілде мектеп-лицейден шыққан оқушылар мен тұрғындар үшін елді мекендегі Рахмет Мәзхожаев көшесінің 1,0 мың метрін жарықтандыру жұмыстарына «Энергиянұр» ЖШС жеңімпаз атанып, келісім-шарт жасасып, тиісті жұмыстар жүргізілуде.
