Ақ халатты абзал жандарға алғыс айтамыз!

Адамзат баласын түрлі дерттен аман алып қалуда қастерлі мамандық иелері – дәрігер­лердің еңбегі ерекше. «Дерт көп, денсаулық біреу» деген тәмсілді естен шығармағанымыз абзал. Осыдан 3 ай 13 бұрын күнделікті қауырт тіршілікпен жүріп, сол аяғыма темір сым кіргенін байқамаған болатынмын. Араға бір күн салып, аяғыма кірген жіңішке сымды суырып алған едім. Көп ұзамай аяғым ісіп, дәрігер-хирург Дәуірхан Тағыбергеновтің көмегіне жүгін­дім. Дертім асқынып жүруге мүмкіншілік болмады.

Алла Тағала адамды дертімен сынамасын. Отбасымызбен уайымдап, біршама әбігерге түстік. Аудандық аурухананың «Хирургия» бөлімшесінің меңгерушісі Дәуірхан Тағыбергеновке ерекше алғысымды айтамын. Күн сайын ем-шара жүргізіп, аяққа тұрғызды. Сонымен бірге, дәрігер Нұрсұлтан Құлтаев, медаға Дәулет Ермағанбетов, бөлімшенің медбикелері мен кіші буын қызметкеріне ризашылығымды білдіремен. Барлық нау­қастың жағдайын жасап, кез келген адамды күлімдеп қарсы алады. Созылмалы дертіме қарамастан, аяғымды кеспей көпшіліктің қата­рына қосқан ақ халатты абзал жандарға аналық алғысымды жеткіземін!

Қиын-қыстау күндері әркез жанымнан та­былған отбасым мен жақындарымды, №210 О.Әбілпаттаев атындағы орта мектеп пен Асқар Тоқмағамбетов ауылындағы «Балауса бөбекжей» балабақшасының ұжымын айрықша атап өткім келеді. Көз көрген ағайын туыс пен көпшілік қауымға қиындыққа тап болған кезде әркез қолдау көрсеткені үшін дән ризамыз. Отбасыларына жақсылық тілейміз. Адам жанының арашашысы болып жүрген жандардың кәсібіне береке берсін дейміз. Қызметте абыройлы болуына тілектеспіз.

Үміт ЕРНАЗАР,

кент тұрғыны