Қолайсыз отбасылар бақылауда болады

Сырдария АПб-нің жергілікті полиция қызметі бөлімшесінің инспекторларымен «қолайсыз отбасы» санатымен есепке алынған тұлғалармен айына екі рет тұрғылықты мекен-жайына барып, профилактикалық тексеріс жұмыстары жүргізілуде.

Атап айтқанда, ҚР ІІМ-нің нұсқауына сәйкес 25.11.-10.12.2021 жылы аралығында өтіп жатқан «Әйелдерге қатысты зорлық-зомбылықсыз 16 күн» атты акциясыны орай, АПб-нің жергілікті полиция қызметі бөлімшесінің әйелдерді зорлық зомбылықтан қорғау тобының инспекторы, полиция лейтенанты Нұрбол Байжанов және ЮПт-ның инспекторы Е.Зайдағалиұлы «қолайсыз отбасы» есебіне алынған азаматтардың тұрғылықты мекен-жайлары аралап, құқық бұзушылықққа бармау туралы профилактикалық жұмыстар жүргізді.

Сырдария АПб-нің жергілікті полиция инспекторының айтуынша, жасөспірімдермен құқық бұзушылықтардың жасалуын болдырмау, балаларына жөнді тәрбие бермейтін ата-аналарды анықтау мақсатында кәмелетке толмағандарды және тұрмысы қолайсыз отбасыларды есепке қою бойынша жұмыстар әлі де жалғасын табады.