Ерекше жандарға ерекше назар

«Сырдария – Ақпа­рат 2050» қоғамдық бірлестігі аудан көлемінде мүмкін­дігі шектеулі жандар арасында спорт­тық іс-шаралар ұйым­дастырып келеді. Бұл жолғы іс-шара карантин талаптары сақтала отырып, Шаған ауылдық округі әкімдігінің қол­дауымен өткізілді.

№12 Сырдария ауданының балалар мен жасөспірімдер спорт мек­тебінде өткен іс-шараны ауыл әкімінің міндетін атқарушы М.Ерекенова ашып, қатысушыларды Тәуелсіздік ме­ре­­кесімен құттықтады.

– Енді санаулы күннен кейін Ел Тәуелсіздігінің 30 жыл­дық мерейлі мерекесін атап өтеміз. Бұл – тарихи белес әрі елдің әлеуметтік-эко­номикалық дамуының жаңа ке­зеңі. Тәуелсіздік жылдарында Ша­ған ауылында көптеген нәтижелі жұмыстар атқарылды. Жаңа нысандар бой кө­теріп, халық игілігі үшін пайдалануға берілді. Елді мекенде халықтың осал топтарын қолдау және әлеуметтік саладағы басымдықтарды жүзеге асыру мақсатында да тиісті жұмыстар жүргізілуде. Бүгінгі спорттық іс-шараның басты мақсаты мүмкіндігі шектеулі азаматтардың бос уақытын тиімді пайдалану, олармен пікірлесіп, қоғамдық іс-шараларға қатысуын қамтамасыз ету болып табылады. Сіз­дерді Тәуелсіздік мерекесімен құт­­тықтаймын және бүгінгі іс-ша­рада жеңімпаз атануларыңызға ті­лектеспін, – деді Мейірім Ахатқызы.

Спорттық іс-шарада қатысушылар то­ғызқұмалақ, дойбы, шахмат, қол кү­ресі секілді ойын түрінен сынға түсті. Жеңімпаздарды анық­тауға ауылдағы спорт мектебінің жат­тық­­­тырушылары, ауылдық округі әкімдігінің әлеуметтік қыз­меткерлері ерекше атсалысты. Қатысушылар тоғызқұ­малақ ойынын­да есепке жүй­рік әрі шапшаң екендіктерін танытты. Ал шахматта ойланып қадам жасауға, алдын ала жоспарлауға бейім болып ойын көрігін қыздырса, қол күресі сайысында білек күштерін сынады. Жалпы, іс-шара қа­ты­сушылардың дене қимылын ши­ратып, жеңімпаз ата­нуға деген құл­шыныстарын арттырып, жоғары дең­гейде қо­ры­­тындыланды.

Жарыс соңында ауыл әкімінің міндетін атқарушы М.Ере­кенова қа­тысу­шыларға «Алғыс хат» пен естелік сыйлықтар табыстады. Сонымен қа­тар, спорттық іс-шараның жоғары деңгейде өтуіне қолдау көрсеткен №12 Сырдария ау­данының балалар мен жасөспірімдер спорт мектебінің директоры Д.Рахманбердиев, әдіс­кері М.Тәженов, ауыл әкімдігінің әлеу­меттік қызметкерлері Г.Мыр­затаева, Г.Тоқ­санбаева, А.Қазан­баева, Н.Шы­мановаларға алғысын біл­дірді.

Гүлсім ӘЛЖАНОВА