Тіршілік тынысы Сырдария аудандық қоғамдық-саяси газет
» » «Рfizer» вакцинасы 2602 адамға егілді

«Рfizer» вакцинасы 2602 адамға егілді

Облысымызда 12-18 жас аралығындағы жасөспірімдерге, жүкті әйелдермен бала емізуші әйелдерге арналған «Pfizer» вакцинасын егу басталған болатын. Қазірде облысымызда «Pfizer» екпесі 2602 адамға егілді. Бұл туралы бүгін Өңірлік коммуникациялар қызметінде өткен баспасөз конференциясында №1 қалалық емхананың эидемиолог дәрігері Райхан Кәметова хабарлады.

Алғашқы болып медициналық колледждің студенттері екпе алуды бастады. Қазірде өз еркімен жүкті әйелдер мен ата-аналарының келісімімен жасөспірімдерге вакцина салынуда.

-№1 қалалық емханада қазірде 3 жүкті әйел және 12-17 жастағы 359 жасөспірім аталған вакцинаны алды. Екпені 16-37 апталық жүкті әйелдер және босанғаннан кейін 42 апта асқан аналар ала алады. Вакцина қабылдаған жүкті әйелдер мен жасөспірімдер 3 күн біздің бақылауымызда болады. Қазірде бәрінің жағдайы жақсы, ешқандай шағым келіп түспеді,-деді Райхан Ханзуллақызы.

№1 қалалық емхананың терапевт-дәрігері Аяжан Сүлейменованың айтуынша, «Pfizer» вакцинасы жеңілдетілген вакцина түрі. Ол жүкті әйелдер мен жасөспірімдерге вирусқа қарсы арнайы антидене қалыптастыруға көмек береді.

25 қараша 2021 ж. 72 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам