Жұмысшы топ түсіндіру жұмыстарын жүргізді

Сырдария ауданы бойынша мемлекеттік кірістер басқармасы, аудандық полиция бөлімі, аудандық тұрғын үй коммуналдық шаруашылық, жолаушылар көлігі және автомобиль жолдары бөлімінің мамандарымен заңсыз қызмет атқарып жүрген жолаушыларды тасымалдайтын жәке автокөліктердің жұмысын ұйымдастыру мақсатында такси жүргізушілеріне түсіндіру жұмыстары жүргізілді.

Аталған түсіндірме жұмыстарына облыстық көлікті бақылау инспекциясының мамандары шақыртылып, мемлекеттік кірістер басқармасының қызметкерлері тарапынан тұрғындарға заңды түрде кәсіпкер ретінде тіркелу туралы арнайы үлгі хабарламалар таратылды.

Сонымен қатар, жұмысшы топ тарапынан ескерту шаралары жүргізіліп, заңсыз айналысқан жағдайда жауапкершілік қарастырылғаны және де кәсіпті ашу жолдары түсіндірілді. Алдағы уақытта аталған рейдтік іс-шаралар тұрақты жүргізілетін болады.

Сырдария ауданы әкімінің баспасөз қызметі