Жолдардың жабылуына қолайсыз ауа райы себеп болды.
Елордадан барлық бағытқа шығатын жолдар қолайсыз ауа райына байланысты көліктің кез келген түрі үшін жабылды. Бұл жайында ҚР ІІМ ТЖК-ның ресми сайтында жария етілді, деп хабарлайды BNews.kz.

"Қазақавтожол" РМК таратқан мәліметке сәйкес, 23 наурыз күні сағат 20:00-ден бастап ауа райының нашарлауына (көктайғақ) байланысты көлік құралдарының кез келген түрі үшін барлық бағыттағы қозғалысқа шектеу енгізілді", - делінген хабарламада.

Бұдан басқа республикалық маңызы бар басқа да автожолдар да жабылды:
"Астана-Петропавл" а/ж (18-231 км);
"Жезқазған-Петропавл" а/ж (377-595 км, Қостанай обл. шекарасы мен СҚО шекарасы);
"Қостанай-Әулиекөл-Сұрған" а/ж (232-260 км, Қостанай обл. шекарасы мен Сұрған елді мекені);
"Жақсы-Есіл-Бұзылық" а/ж (0-82 км, Жақсы елді мекені мен Бұзылық елді мекені);
"Екатеринбург-Алматы" а/ж (856-1247 км, СҚО шекарасы мен Астана қаласы);
"Екатеринбург - Алматы" а/ж (1275-1353 км, Астана қаласы мен Қарағанды облысының шекарасы);
"Астана-Қорғалжын" а/ж (19-180 км, Астана қаласы мен Қорғалжын қорығы);
"Астана-Қабанбай батыр-облыс шекарасы" а/ж (16-51 км);
"Макинск-Ақсу-Торғай" а/ж (0-240 км, Макинск қаласы мен Торғай қаласы);
"Астана-Ерейментау-Шідерті" а/ж (16-205 км);
"Көкшетау-Атбасар" а/ж (48-184 км, Зеренді ауылы мен Атбасар қалсы).