Орманшы - табиғатқа қорғаншы

Елімізде қазан айының үшінші жексенбісі орман және жануарлар дүниесін қорғап-сақтауға, молайтуға өз үлесін қосып жүрген орман шаруашылығы қызметкерлерінің кәсіби мерекесі.

Бүгін аудан әкімдігінің мәжіліс залында «Орман шаруашылығы қызметкерлері күні» кәсіби мерекесіне орай мерекелік шара өтті.

Аудан әкімінің орынбасары Ғ.Еркебай орман шаруашылығы қызметкерлері мен сала ардагерлерін шын жүректен құттықтап, еңбектеріне толағай табыс, шаңырақтарына шаттық, құт-береке тіледі.

Мерекелік шара соңы орман шаруашылығы саласына өзіндік үлес қосып жүрген сала қызметкерлері мен ардагерлерді марапаттау рәсіміне ұласты.