Ұстаздар марапат төрінде

Аудандық мәдениет үйінде ұстаздардың кәсі­би мерекесі аясында салтанатты жиын өткізілді. Оған аудандық білім бөлімінің басшысы Берік Жәнібеков, білім саласы қызметкерлерінің кәсіп­одақ комитетінің төрағасы Алмас Есназар, мектеп директорлары, ұстаздар мен сала ардагерлері қатысты.

Ізгілікті іс-шараны ашқан аудандық білім бө­лі­мінің басшысы Берік Жәнібеков ұлағатты ұс­таздарды кәсіби мерекемен құттықтады.

– Білім саласы қызметкерлері халық баласын оқытуда қажырлы еңбек етіп келеді. Әріп­тес­те­ріміздің жоғары дәрежелі жетістіктерге қол же­кізуі – ортақ абырой. Біз оларды білім мен ғылымның сан бағытын меңгерген ардақты жандар деп білеміз, санаға нәр құйған, шәкірттерді жан-жақты тәрбиелеп, адами болмысын қалып­тастырған ұс­таздар қауымына әрқашан құрмет көрсетіле бермек.  Бұл ретте, Сіздерді кәсіби мерекемен шын жү­ректен құттықтаймын, – деді бөлім басшысы. 

Өз кезегінде аудандық білім бөлімінің басшысы Берік Съездұлы мұғалімдерді ҚР Білім және ғылым қызметкерлерінің кәсіподағы салалық комитетінің, облыстық білім басқармасы мен білім және ғылым қызметкерлері кәсіподағының «Құрмет громатасымен» марапаттады. 

Мерекелік кеште білім саласы қызметкерлерінің кәсіподақ комитетінің төрағасы Алмас Есназар әріптестерін төл мерекемен шын жүректен құт­тықтап, биылғы оқу жылында оқушылары «Алтын белгі» иегері атанған бастауыш сынып мұға­лімдері мен ардагерлеріне Түркістан облысында орналасқан «Біркөлік» шипажайына жолдама табыстады. Сонымен бірге, облыстық кәсіподақ коми­тетінің Құрмет грамотасына» ұлағатты жан­дар ие болды. Ал №36 Ә.Тәжібаев атындағы  мек­теп-лицей директорының бастауыш сыныптар жөніндегі орынбасары, ардагер-ұстаз Мирамкүл Әкімжанова «2021 жылы зейнетке шыққан басшы» номинациясының иегері атанды.

Кеш соңында мерейлі мамандық иелеріне ар­налған концерттік бағдарлама ұсынылды.  

Балтабай ОРДАБЕКОВ