Екпе – індетке қарсы ем

Мамандар осы күні «пандемияның беті қай­тып келеді» деп айтады. Дегенмен, қа­уіпті «қызыл» аймақтан шығып, «жасыл» аймаққа өткенімізге аз ғана уақыт болды. Бұл індетті жұқтырушы науқастардың санымен байланысты екенін анық. Яғни, күн сайынғы дерек бойынша облыста қауіпті вирусты жұқтырғандар саны азайып келеді.

Мұны мамандар жаппай екпе салы­нуы­мен байланыстырады. Десе де қа­зір­гі таңда балалар арасында індететті жұқ­тырушылар көбейіп тұр. Анықталғандай, нау­­қас балалардың дені ата-аналары екпе алмағандардың қатарынан екен. Сондықтан ең алдымен өз балаларының денсаулығы үшін ересек адамдар саналы түрде жаппай вакцина алуға асығуы керек.

– Қай кезде де жұқпалы індетке қарсы тұрудың бірден-бір жолы екпе болып табылады. Пандемияға қарсы екпенің дер кезінде шығуы халықты қауіптен сақтап қалатыны сөзсіз. Бүгінде емнің екпеде екеніне көптің көзі жетті. Себебі, қазір егде жастағылардың өзі келіп вакцина алуда. Бүгінде аудан бо­йынша вакцинаны 16402 адам алды. Бұл – вакцина алуға тиіс тұрғындардың 89,6 па­йызы. Тұрғындар арасында екпе алудың тиім­ділігі туралы түсіндіру жұмыстары жүргі­зі­луде, вакцина қоры жеткілікті, – дейді бас дәрігердің бастапқы медициналық- са­ни­тар­лық көмек жөніндегі орынбасары Ж.Жұмабаева.

«Ауырып ем іздегенше, ауырмаудың жолын ізде» дейді халық даналығы. Сондықтан екпе алу – аурудың алдын алу дегенге көз жететін уақыт келді.

«ТТ» ақпарат