Оқшаулану режимін бұзған

Карантиндік шектеулер жауапкершілікті талап етеді. Дегенмен оқшаулану режимін бұзғандығы үшін әкімшілік айыппұл арқалаған азаматтар қатары азаяр емес.

Мысалы Сырдария ауданының тұрғыны Ибрагим Исанов «қызыл» мәртебесі бола тұра карантин талабын сақтамаған. Ол «Ashyq» жүйесі арқылы анықталып, айыппұл салынды. Бұл туралы облыстық санитариялық-эпидемиологиялық бақылау департаменті хабарлады.

Департамент алдағы уақытта да бұл бағыттағы жұмыстар жалғасып, оқшаулану режимін бұзғандарға айыппұл салынатынын ескертеді. Сондықтан тұрғындар карантиндік шектеулерге аса жауапкершілікпен қарауы қажет.

«Тт-ақпарат»