Оқу-жаттығу жиыны өткізілді

Жақында Тереңөзек кентінде орналасқан спорт ғимаратында ҚР Ұлттық қауіпсіздік комитеті Қызылорда облысы және Байқоңыр қаласы бойынша департаментінің ұйымдастыруымен терроризмнің алдын алу бойынша оқу-жаттығу жұмыстары өткізілді.

Оқу-жаттығудың мақсаты терроризмге қарсы іс-шараларды өткізу және төтенше жағдайлардың алдын алу кезінде бірлескен тактикалық іс-қимылдар барысында құрылымдық бөлімшелерінің өзара іс-қимылының тиімділігін арттыру болды.

Оқу-жаттығуға аудандық жедел штаб мүшелері мен жеке құрамы толық құрамда және арнайы техникалар жұмылдырылды.

Жаттығу барысында құзырлы органдардың оқиғаны алдын алу және салдарымен күресу кезіндегі өзара іс-әрекеттеріне ерекше мән берілді. Ықтимал терроризм актісінің алдын алу бағытында департамент қызметкерлерімен іс-тәжірибе алмасты.

ҚР Ұлттық қауіпсіздік комитеті Қызылорда облысы және Байқоңыр қаласы бойынша департаментінің қызметкерлерімен ауданддық құрылымдық бөлімшелерге тиісті баға беріліп, алдағы іс-әрекеттер мен шаралар пысықталды.