Көк Тудың желбірегені...

Бүгін аудан орталығы Тереңөзек кентінде 4 - маусым Мемлекеттік Рәміздер күні мерекесіне орай автошеру ұйымдастырылды.

Бұл шеруге 30 - ға жуық автокөлік қатыстырылып, кент орталығындағы орталық көшелер бойымен еліміздің көк туын алып өтті.

Аталған шараның мақсаты – өскелең ұрпақты отандық патриотизм мен жоғары азаматтық сабақтастыққа үндеп, қоғамның рухани бірлігін нығайту болатын.


Мемлекеттік рәміздер – еліміздің егемендігі мен тәуелсіздігін әлемге танытатын әрі Қазақстанның өткені мен бүгінін және болашағы арасындағы сабақтастықтың жарқын бейнесі.