Абаттандыру жұмыстарына партиялық бақылау жасалды

Бүгін аудандық партия филиалы жанындағы Партиялық бақылау комиссиясының мүшелері Тереңөзек кентінің орталық алаңына жүргізіліп жатқан абаттандыру жұмыстарының сапасына партиялық бақылау жасады.

Аталмыш жұмыстарды жүзеге асырып жатқан мердігер мекеменің өкілі жұмыстардың мерзімі өз уақытымен жүріп жатқандығын және жергілікті жердің құрылыс өнімдері пайдаланып жатқандығын атап өтті. Өз кезегінде аудандық Партиялық бақылау комиссиясының төрағасы, аудандық мәслихат депутаты Жұмабек Әшімұлы Ембергенов абаттандыру жұмыстарының сапалы жүргізілуіне, еңбек қауіпсіздігі шараларының қадағалауын ұдайы назарда ұстауды атап айтты. Абаттандыру жұмыстары барысында орталық алаңға қосымша жарық шамдары, мүсіндік композициялар, жаңа орындықтар мен қоқыс салу жәшіктері орнатылатын болады.