Антарктидадағы мұздардың арасынан ерекше зат табылды

Антарктидадағы шексіз мұздардың арасынан ерекше зат табылды. Оңтүстік Джорджия мен Оңтүстік Сэндвич аралдарының аймағында көрінген бейне апатқа ұшыраған НЛО-ға немесе қатып қалған пойызға ұқсайды, деп хабарлайды Egemen.kz

Оңтүстік Джорджия және Оңтүстік Сэндвич аралдары - Ұлыбританияның отарлық дәуірден бері келе жатқан аумақ. Қазір бұл қарлы жерлерге British Antarctic Survey мүшелері иелік етеді. Ал -54 ° 39'44.62 «S және 36 ° 11'42.47» W координаттарында анықталған таңқаларлық объектіге қарағанда, BAS мүшелері мұнда жалғыз болмауы мүмкін деген күдік туындап отыр.

Айта кетейік, Кил университетінің (Ұлыбритания) ғалымы Ричард Уоллер бұл жерде ешқандай ауытқушылық жоқ дейді. Ғалым бұл мұздықтың негізгі мұз массасынан бөлініп, содан кейін баурайға қарай домаланып түскен бөлігі екеніне сенімді.

«Бұл Антарктидада жиі кездесетін құбылыс. Мұздықтың бөлігі үзіліп түсіп, төмен қарай домалап, суреттегідей із қалдырады», деді ол.

Алайда, желідегі тылсым сыр іздеушілер мұндай прозалық түсіндіруге қанағаттанбайды, сондықтан олар табиғаттан тыс жұмбақ нәрсе тапқанына сенімді. Олар сапалы жерсеріктік түсірілім құпияны анықтауға көмектеседі деген пікірде.