Аудандық газет 2020 жылды жетістіктермен қорытындылады

2020 жылдың қаңтар айынан бастап аудандық «Тіршілік тынысы» газеті 3700-ге жуық таралыммен оқырман қауымға жол тартты.

2020 жылдың ақпан айында Сырдария ауданына қарасты Тереңөзек кенті мен барлық елді мекенде «Тіршілік тынысы» газетіне арналған билборд орталық көшелерге ілінді.

2020 жылдың 25 ақпанындағы №15 газетінде журналист Дәметкүл Құмақбайдың «Тереңөзектен сөйлеп тұрмыз» мақаласы жарияланды.

2020 жылдың 8 наурызында «Тіршілік тынысы» ұжымының ер азаматтары аяулы ана, ибалы қыз-келіншектерді мерекемен шын жүректен құттықтады.

Аталмыш мереке қарсаңында «Тіршілік тынысы» газетінің дизайнері Гүлсім Әлжанова сол кездегі аудан әкімі Руслан Рүстемовтың «Алғыс хатымен» марапатталды.

2020 жылдың 26 наурызда аудандық «Тіршілік тынысы» газеті 81-ші көктемін қарсы алды.

2020 жылдың сәуір айында елдегі орын алған пандемияға байланысты

аудандық «Тіршілік тынысы» газеті бірнеше нөмірді электронды форматта жарыққа шығарды.

2020 жылдың 16 мамырында аудандық газеттің бас редакторы Ақтөре Ибрагимұлы Ұлы жеңістің 75 жылдығы мерекесіне орай ұйымдастырылған Кеңес Одағының Батыры Нағи Ілиясовтың туғанына 100 жыл толуына өткізілген «Байтақ елдің батыры» атты облыстық ақындар мүшәйрасында Бас жүлдені жеңіп алды.

2020 жылдың маусым айында аудандық полиция бөлімінің басшысы Н. Ибраев бастаған құқық қорғау саласының басшылық құрамы аудандық «Тіршілік тынысы» газетінің ұжымын мерекемен құттықтады.

Аталған мерекеге орай аудандық сот төрағасы Р.Алдамбергенов бастаған аудандық сот ұжымы да журналистерді мерекемен құттықтады.

Кәсіби мереке қарсаңында сол кездегі аудан әкімі Р.Рүстемовтің Алғыс хатымен аудандық газет бас редакторының орынбасары Ердос Беркінбаев, бас маман Нұргүл Сарқыншақова, ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаменті басшысы А.Ерсейтовтың Алғыс хатымен аудандық газет тілшісі Балтабай Ордабеков марапатталды. Сондай-ақ «Сыр медиа» ЖШС бас директоры А.Оңғарбаевтың Алғыс хаты Асылбек Әкімжан мен Орынкүл Жұманазароваға табысталды. «Қазақстан салалық мәдениет, спорт және ақпарат қызметкерлерінің кәсіптік одағы» қоғамдық бірлестігінің Қызылорда облыстық филиалының төрайымы Р.Үмбетованың Алғыс хаты О.Бердіқожақызына берілді.

Байланыс және ақпарат қызметкерлерінің кәсіби мерекесін аудандық газет ұжымы қуанышты хабармен қарсы алды. Осы жылы ардагер-журналист, «Сырдария ауданының Құрметті азаматы» Мұхтар Сақтапов «Қазақстанның құрметті журналисі» атағын иеленді.

Баспасөз саласы қызметкерлерінің кәсіби мерекесіне орай аудандық «Тіршілік тынысы» газеті ұжымы жылдағы үрдіспен ардагерлерді мерекемен құттықтап, құрмет көрсетті.

2020 жылдың 27 маусымындағы №48 газетінде аудандық газеттің ардагерлері мен қызметкерлері туралы мақалалар жарық көрді.

2020 жылдың маусым айында аудандық «Тіршілік тынысы» газетінің бас редакторы Ақтөре Ибрагимұлы Jas Otan Жастар қанатының аудандағы жаңа жетекшісі болып сайланды.

2020 жылдың шілде айында аудандық «Тіршілік тынысы» газетінің бас редакторы Ақтөре Ибрагимұлы республикалық «Халық» газетінің 20 жылдық мерейтойына орай «Құттықтау хат» жолдады.

Осы айда аудандық «Тіршілік тынысы» газет редакциясының «Бастауыш ардагерлер кеңесінің» төрағасы Мүсілім Қалмұратұлы 70 жасқа толды. Бұл ретте басылым ардагерін сол кездегі аудан әкімі Руслан Рүстемов арнайы «Алғыс хатпен» марапаттады.

2020 жылдың шілде айында «Сыр медиа» ЖШС коронавирус індетімен күреске 1 млн теңге қаржы бөлді. Бұл ретте аудандық газет ұжымы біркүндік жалақасын аударды.

2020 жылдың тамыз айында аудандық «Тіршілік тынысы» газеті бас редакторының орынбасары Ердос Беркінбаев «Қазақстан Журналистер Одағының» мүшесі атанды.

2020 жылдың тамыз айында рекдакция ұсынысына сәйкес «Сырдария ауданының құрметті азаматы» Сұлтан Қобландин жаттықтыратын «Қайсар» спорт клубы 47 еңбек ардагерін аудандық басылымға жаздыртып берді.

2020 жылдың қыркүйек айында аудан әкімі Талғат Дүйсебаев аудандық «Тіршілік тынысы» газет редакциясының жұмысымен танысты.

2020 жылдың қыркүйек айында басылымның жауапты хатшысы Шаһарбек Нұрсейітов «Qyzylorda» телеарнасындағы «Jan'a ku'n» бағдарламасына сұхбат берді.

2020 жылдың қыркүйек айында аудандық «Тіршілік тынысы» газетінің ұжымы «Ауыл» жобасын қолға алды.

2020 жылдың қазан айында аудандық «Тіршілік тынысы» газетінің 81 жылдық тарихында №8888 саны жарық көрді.

2020 жылдың қараша айында «Алтын дән – 2020» салтанатты шарасында басылымның жауапты хатшысы Шаһарбек Нұрсейітов аудан әкімі Талғат Дүйсебаевтың «Алғыс хатымен» марапатталды.

2020 жылдың қараша айында аудан әкімі Талғат Дүйсебаев КСРО және Қазақстан Журналистер Одағының мүшесі, аудандық «Тіршілік тынысы» газетінің жауапты хатшысы Шаһарбек Нұрсейітовті қабылдап, құрметті зейнет демалысына шығу мерейтойымен құттықтады.Сондай-ақ, «Сыр медиа» ЖШС Бас директорының бірінші орынбасары Марат Аралбаев, бас директордың орынбасары Дәурен Омаров Ш.Нұрсейітовтың 40 жылға жуық журналистика саласында мерейлі еңбегіне тоқталып, облыс әкімінің «Алғыс хатын» табыс етті. Сонымен бірге, «Сыр медиа» Бас директорының «Алғыс хатымен» марапаттады.

2020 жылдың қараша айында «Тіршілік тынысы» газетінің жас журналисі, әлеуметтік желі белсендісі әріптесіміз Майя Қожабай Сырдария ауданы әкімінің "Өрлеу" жастар сыйлығының иегері атанды.

2020 жылдың қараша айында аудандық «Тіршілік тынысы» газетінің бөлім меңгерушісі Бибісара Жанәлі, тілші Балтабай Ордабеков аудан әкімі Талғат Дүйсебаевтың «Алғыс хатымен» марапатталды.

2020 жылдың желтоқсан айында аудандық «Тіршілік тынысы» газетінің бас маманы Нұргүл Сарқыншақова жыл қорытындысымен «Алтын қалам» иегері атанды. Облыстық ішкі саясат басмарсы басшысының «Алғыс хатымен» марапатталды.

Аталған жиында тілші Балтабай Ордабеков облыс әкімі Гүлшара Әбдіқалықованың «Алғыс хатымен» марапатталды.

Мерейлі мереке қарсаңында басылымды қалың оқырманға жыл он екі ай бойы таратушы мамандар марапатталды. Олардың ішінде Тереңөзек кентінен Бауыржан Қозбағаров, Іңкәрдария ауылынан Тұрсынкүл Сырлыбаева, Ақжарма ауылынан Қанзира Сисембиева, Айдарлы ауылынан Әлия Смайлова және С.Сейфуллин ауылынан Айнұр Исмайл бар. Таратушыларға «Сыр медиа» ЖШС бас директоры Аманжол Оңғарбаевтың «Алғыс хаты» берілді.

Жаңа жыл қарсаңында «Тіршілік тынысы» газет редакциясының «Бастауыш ардагерлер кеңесінің» төрағасы Мүсілім Қалмұратұлы жаңа баспана кілтіне қол жеткізді.