Сауапты іске жұмылды
Қайырымдылық − сауапты іс. Ауданның құқық қорғау саласының қызметкерлері сауапты іске жұмылуды дәстүрге айналдыруда.Полиция бөлімінің басшысы өзі бас болып, сала ардагерлерінің хал-жағдайын үнемі назарда ұстайды.
Жақында полиция ардагері Галадин Жұбанов бөлім басшысы Н.Ибраевтың атына өтініш түсірді. Өтініште ардагер I топ мүгедек екенін, Алматы қаласына ота жасатуға баратынын айтқан. Қажетті ем-дом алу үшін материалдық көмек беруін сұраған. Жаңа жыл қарсаңында сала ардагерінің сұранысына сәйкес, бөлім қызметкерлері бір ауыздан көмек көрсетті.
− Ауданның құқық қорғау саласында ұзақ жыл қызмет етіп, зейнеткерлікке шыққан Г.Жұбановтың деніне саулық, ұзақ өмір берсін деген ниеттеміз.
Аман-есен отаны жасатып, отбасына оралуына, қуанықша кенелуіне тілектеспіз, –дейді бөлім бастығы..
Бибісара ЖАНӘЛІ
