"Бизнес бастау" жобасы арқылы кәсібін бастады
«Бизнес бастау» жобасы арқылы ауыл тұрғындары жұмыссыздан жас кәсіпкерге айналды.«Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасының екінші бағытының «Жаңа бизнес идеяларды іске асыруға мемлекеттік грантар беру туралы» тетігі бойынша Аманкелді ауылының тұрғындары Нұрбек Сайманов пен Төремұрат Абдуллаев «Бизнес бастау» жобасы бойынша кәсіпкерлік бағытында курс оқып, «Дәнекерлеу ісі» бойынша жоба қорғап, 555 600 теңге қаржыдан ұтып алды.
Дәнекерлеу жұмыстарын ұйымдастыру үшін қажетті жабдықтар сатып алынды. Жас кәсіпкерлер мемлекеттік грантқа қол жеткізіп, қаражатқа жаңа үлгідегі дәнекерлеу жабдығын алды. Тиісті құжаттар әзірленіп, кәсіпті бастауға мүмкіндік алды.
