Дәрі-дәрмектің екі айлық қоры бар

Коронавирус инфекциясының болжамды екінші толқынына дайындық жұмыстары күшейтілді. Бүгінде облыста жалпы жағдай тұрақты. Медициналық ұйымдар штаттық режимде жұмыс істейді.

Қажет болған жағдайда 3200 төсек орнын дайындауға мүмкіндік бар.

Бүгінде жұқпалы ауруханалар өкпенің жасанды желдету аппаратымен 97 пайыз қамтамасыз етілген. Бірінші толқын кезіндегідей дәрі-дәрмектен мәселе жоқ. 2 айлық қоры жасақталды. Қажет болған жағдайда дәрі-дәрмек сатып алуға бюджеттен тағы 350 миллион теңге қарастырылған. Сондай-ақ, 3500 медициналық қызметкерден тұратын кадрлық резерв те құрылды.