Назарбаев Минскідегі Жеңіс монументіне гүлдестесін қойды

Қазақстан Президенті Нұрсұлтан Назарбаев Беларусьқа ресми сапары аясында Жеңіс монументіне гүлдестесін қойды, деп хабарлайды ҚазАқпарат тілшісі Минскіден.
Айта кетейік, Беларусь Республикасына мемлекеттік және ресми сапарлар барысындағы хаттамалық іс-шаралар аясында Минск қаласындағы Жеңіс монументіне гүлдестесін қою шарасы міндетті түрде қарастырылған.
Жеңіс монументі Екінші дүниежүзілік соғыстағы жеңістің құрметіне орай орнатылған. Ол Беларусь астанасының негізгі нышандарының бірі саналады және Екінші дүниежүзілік соғыстағы жеңіс күніне арналған түрлі шаралар өтетін орын ретінде есептеледі.
Монумент қаланың Жеңіс алаңына 1954 жылы орнатылған. Ал 1961 жылдың 3 шілдесінде ескерткіш түбіндегі мәңгілік алауды Минск қаласының құрметті азаматы, Кеңес Одағының Батыры генерал-полковник А.Бурдейный жаққан.
 Автор:
Марлан Жиембай