Кәсіптік білім – сапалы жұмыс көзі

Елімізде соңғы уақытта жұмысшы мамандарға сұраныс көлемі артқан. соған сәйкес Кәсіптік білім беру мәселесіне басымдық беру арқылы «әмбебап» мамандарды даярлауға көп көңіл бөлінуде. бүгінде «тігінші», «аспаз», «фермер», «дәнекерлеуші», «тас қалаушы» секілді қоғамға қажетті маман иелерінсіз ел дамуының негізгі салаларын елестету мүмкін емес.

Заман талабына сай жұмыс істеуге машықтанған кәсіп иелерін даярлайтын арнаулы оқу орындарының мәртебесін көтеру қажет екені белгілі. Бұл бағытта Президенттің пәрменімен тиісті жұмыстар жүргізілуде. Үкіметтің тапсырмасы бойынша облыстарда нақты жұмыстар атқарылуда.

Сырдария аграрлы-техни­калық колледжінен жыл сайын жүздеген түлек үлкен өмірге қанат қағады. Аталған білім ошағы 2020-2021 жаңа оқу жылын 162 білім алушымен бастады. Қазіргі таңда колледж оқытушылары 5 мамандық бойынша кәсіби маман даярлау үстінде. Атап айтар болсақ, «Ферма шаруашылығы», «Ауыл шаруашылық өндірісіндегі тракторшы-машинист», «Ғимараттар мен құрылымдарды салу және пайдалану», «Тас қалаушы», «Тігін өндірісі және киімдерді үлгілеу», «Киім конструкторы», «Дәнекерлеу ісі», «Тамақтандыруды ұйымдастыру» бойынша оқытушылар жас мамандарды даярлауда.

Студенттерге сапалы білім, саналы тәрбие беру бағытында колледжде 38 инженер-педагог жұмыс жасайды. Елдегі ахуалға байланыс­ты оқытушылар қашық­тан оқытуды жүзеге асыратын электронды «Сollege smart nation» платформасы арқылы білім алушыларға сабақ беруде. Карантин талаптарына сәйкес жұмыс форматы өзгертілгенімен білім беру сапасы төмендемеген. Керісінше, жаңа жүйелер қолданылып, студенттерге кәсіптік білім қашықтан берілуде.

Ауылшаруашылық саласы бойынша білім алушы жастар аудан аумағындағы шаруашылықтарда та­­­­­ғы­лым­дамадан өтеді. Олар өз маман­­­дықтары бойынша тәжірибе жинақ­тап, алдыңғы буын аға-апа­ларынан ақыл кеңес алады. Оқу мен тәжірибені ұштастырулары үшін студенттерге барлық мүмкіндік жасал­ған. Тек білімге құштар болып, із­де­­­ністі серік етуден жалықпаса бол­­­­­­ғаны. Қалған мүмкінідіктің бар­лығын мемлекеттік қолдау аясында колледж ұйымдастыруда. Бұл ата-аналар үшін де тиімді. Атап өту керек, тағылымдамадан өткен шаруа­шылықтардың сұранысына сәйкес тұрақты жұмысқа орналасқан колледж түлектері көп. Олар бүгінде аграрлы ауданның дамуына жаңаша серпін беріп, колледж қабырғасында алған білімдерін шаруашылықтардың өркендеуіне жұмсауда.

Кәсіптік білім беруде дәнекер­леу­шілерді даярлау асқан жауап­тылықты қажет етеді. Қауіп­тілігі жо­ғары мамандық иелеріне жүк­телетін міндет ауқымды екені айтпасақ та түсінікті. Бұл мамандықта бірінші кезекте қауіпсіздікке баса мән беріледі.

– Сырдария аграрлы-техникалық колледжінде «Дәнеркелеуші» маман­дығы бойынша білім алдым. Заманауи кәсіптік білімді оқыту тәжірибелеріне сүйенетін ұстаздар бізге ақыл-кеңесін айтып, бағыт-бағдар берді. Теория мен тәжірибені қатар ұштастырған білікті ұстаздардан қалаған мамандықтың қыр-сырын меңгердік. Қазіргі таңда «дәнеркелеуші» мамандығы бойынша қызмет атқарудамын. Күрделі саланы игеруге мол мүмкіндік туғызған оқытушыларға алғысым шексіз. Қай кезде де білім ошағында қалыптасқан саналы білімім мен мол тәжірибемді жұмыс барасында жүзеге асыратын боламын. Бүгінде маман ретінде өмірден өз орнымды таптым десем де болады, – дейді А.Тоқмағамбетов ауылының тумасы, колледж түлегі Жандос Сансызбаев.

Ал тігіншілік кәсіптің негізгі бағытын ұстанған мамандар арасында бәсекелестік жоғары екенін атап өтуіміз қажет. Бір сөзбен айтқанда, халық тігіншілер мен ісмерлердің заттарын көп тұтынады.

– Бүгінде кәсіптік білім беру жұ­мыс­тарын ұйымдастыруға басым­дық берілуде. Осы ретте, аудандағы мектеп бітіруші түлектерге Сырдария аграрлы-техни­калық колледжі мол мүмкіндіктер ұсынуда. Қазіргі таңда колледждің аймақтың білім беру саласында өзіндік орны бар. Оқытушыларымыз да жаңа заман талабына сай жұмыс жүргізуде. Студенттер теория мен тәжірибені ұштастырып, кәсіби маман атану жолында жарқын жетістіктерге ұмтылу­­­­да. Біз оқуда озат студенттерді қолдауға әркез дайынбыз. Оларға жасалған қолдау мен мүмкіндік болашақ үшін аса маңызды. Арнайы мамандықты игерген сырдариялық жастардың арасында үлкен кәсіпорындарда жұмыс жасап жатқандар көп. Олар сапалы кәсіптік білім берген колледждегі оқытушыларға әркез алғыс айтады, – дейді колледж директоры Дархан Қожахметов.

Атап өту керек, экономикасы тұ­рақты мемлекет тұрғындардың бас­пана мәселесін шешу мақсатында құ­рылыс саласын дамытуға басымдық береді. Бұл ретте «Тас қалаушы» мамандығы құрылыстың негізгі қоз­ғаушы күші болып табылады. Сапалы әрі сенімді бас­пана салуда тас қалаушылардың кәсіби білімі айрықша маңызға ие. Сырдария аг­рар­­лы-техникалық кол­лед­жінің оқы­­­­­­ту­­­шылары бола­шақ­тың ір­ге­­­­тасын қалай­тын мамандарды тәрбиелеуде деп айтуға толық негіз бар.

Балтабай ОРДАБЕКОВ