Тұрақты жағдайға тоқмейілсуге болмайды

Аудандағы эпидемиологиялық ахуал тұрақ­танып, сала мамандарының қажырлы еңбе­гінің нәтижесінде індеттің қауіпі сейілді. Бұл туралы аудандық тауарлар мен көрсетілетін қызметтердің сапасы мен қауіпсіздігін бақылау басқармасының басшысы Ерлан Ұзақбаев мәлімдеді.

Басқарма басшысының айтуынша, тұрақты жағдайға тоқмейілсуге болмайды. Сондықтан түсіндірме жұмыстары тұрақты түрде жүр­гізіліп, жеңілдетілген карантин талаптары сақ­тау бағытында мониторингтік іс-шаралар ұйым­дастырыла береді.

– Бүгінгі күнде соңғы науқастар қажетті ем-домдарын алуда және жақын күндері үйлеріне шығарылады деп күтілуде. Жалпы алғанда жағдай тұрақтанды. Бірақ тоқмейілсуге болмайды. Карантин талаптарын сақтаудың, ортақ тәртіпке бағынудың ма­ңыз­дылығы зор. Жиын-тойды кейінге қалдырып, адамдардың көп шоғырлануына жол бермеу керек. Өйткені, індетке шалдыққандар толық жазылған жоқ. Сондықтан маскалық режимді сақтап, қауіпсіздікке аса мән берген жөн, – дейді басқарма басшысы.

«ТТ» ақпарат