Жақынымызға жанашыр бола білсек, індеттің ауылы алыстайды

Дүниежүзінде коронавирус инфекциясының таралуы жоғарғы көрсеткішке ие. Пандемия салдарынан зардап шеккен халықтың әл-аухаты мен денсаулығы жіті бақылауда. Қауіпті індетті барынша ауыздықтау мақсатында ел аумағында кешінді жұмыстарға көңіл бөлінуде. Мылтықсыз майдан саналған вируспен күресте ел көлемінде медициналық құрал-жабдықтар, дәрі-дәрмектермен халықты қамтамасыз етуде. Әр ауылдың атымтай жомарт азаматтары тұрғындарға қол ұшын беруде. Қайырымды жандандардың демеуінің арқасында науқастар отбасына оралуда.

Бүгін Мемлекет басшысы Қасым-Жомарт Тоқаев еліміздегі эпидемиологиялық ахуалға қатысты түйткілді мәселелер жөнінде кеңес өткізген болатын. Соңғы бір айда күшейтілген карантин режимінің арқасында елдегі ахуал тұрақтана бастады. Анығында айтқанда  осы күні қауіпті індеттен жазылып шыққан науқастар саны 63 пайызға жеткен.  Жедел-жәрдем шақыру жағдайы төмендеген. Бұл дегеніміз халықтың денсаулығы жақсара бастауының белгісі. 

Мемлекет басшысы Қасым-Жомарт Тоқаев Мемлекеттік комиссияға карантин шараларын кезең-кезеңімен жеңілдету арқылы екі аптаға ұзартуды тапсырды. Бұл дәл қазіргі уақытта оңтайлы шешім екені айтпаса да түсінікті. Халықтың денсаулығын жақсартуға арналған карантин ережелеріне бағынуымыз керек. Жақынымызға жанашыр бола білсек, індеттің ауылы алыстайды.  

Муса КЕЛДІБАЕВ,
Тереңөзек кенті ардагерлер кеңесінің төрағасы