Тереңөзек кент клубы жұмысымен танысты
Бүгін облыс әкімінің орынбасары Серік Ахмет ауданға іссапармен келіп, «Жұмыспен қамтудың жол картасы» аясында Тереңөзек кенті клубына жүргізіліп жатқан ағымдағы жөндеу жұмыстарымен танысты. 90 орынға бейімделген кент клубына облыстық бюджеттен қаржы бөлініп, мердігер мекеме «Мұрат құрылыс и К» ЖШС ағымдағы жөндеуден өткізуде. Бүгінгі күнге ішкі есіктер мен терезелер жаңаланып, әрлеу жұмыстары аяқталған. Ғимараттың сыртқы жұмыстары талапқа сай жүргізілген. Қазіргі таңда көрермендер залы жөнделуде. Бұл жұмыстарға аудандық жұмыспен қамту орталығы арқылы 2 адам жұмысқа алынған.
Клуб үйін аралаған облыс әкімінің орынбасары ағымдағы жөндеу сапалы жүргізілу керектігін атап өтті.
